寫虛擬《亞洲殿堂天后演唱會》時，我心諗，鄭秀文可否稱為diva？阿Mi新作《愛情萬歲》，把聲乾掙掙，高峰期唱功也未見超卓，再走下坡怎能說是女王？幸好她還肯唱快歌《Mi》，總算有點天后格。
我記得睇佢參加新秀，唱《乾一杯》把聲好響，仲話得16歲，細我一年，同學之間議論紛紛，所以幾有印象。
冠軍譚耀文扮張國榮，連鴨尾頭都跟足，打晒跟斗，好出位，華星很快幫他出唱片，又送他去參加在日本名古屋舉行的第一屆亞洲音樂節，專誠作了首《Jo Jo》給他，谷得幾行。
亞軍何國星歌都冇首，華星連雜錦碟也沒有預他玩，後來好似做了TVB配音員，配過《龍珠》悟飯，還開班授徒，而家唔知去邊。
鄭秀文90年出處女作《Sammi》，我記得有黑膠碟，我怎樣界定我個年代的歌手呢？有出過黑膠的就算，所以鄭秀文車邊都係。
《Show Mi》今個禮拜開騷了，壞心腸的朋友說，有得睇就睇喇，唔知仲有冇機會...咁又係，以她唔憂做咁款，唔知仲有冇下次。
88年第七屆新秀，表演嘉賓竟然是成龍和河合奈保子，應該是合唱「屎雨點」《午夜吻別前》，笑話一個。阿梅出來頒獎合照，看造型是《Stand By Me》期，我唔明點解TVB唔將新秀精華出DVD，又可以賺一筆啦，方小姐。
This Is Mi
兩粵兩國，四首歌包到咁大盒，內容小包裝大，而家做唱片靠這樣，十年八載後還會令人留下什麼回憶？
封面女郎係 1990 年推出架。
ReplyDelete我有個很要好的女仔朋友也有參加88新秀，入了30名，我還陪她一起選戰衣！準決賽當晚我當然有到利舞台打氣，我好記得鄭秀文唱完《乾一杯》之後，得到相當多的喝采聲，一來以她16歲之齡有如此不錯的唱功，二來她的樣貌亦是當晚女參賽者中之冠。
ReplyDelete我對初期出道(90-93)的鄭小姐也有相當好感，還有買她的唱片.. 但自從她行前衛以後.. 好作狀，想死.. 至於她的舞台表現.. 『行』到呢.. 還有，自從她在明周專欄曝光後更惹人煩厭，由她講佛諾伊德，咪玩啦！總之，她要去diva這個位，我想.. 好難囉！
對不起，無意冒犯~ 純粹個人意見..
to wordy,
ReplyDelete係喎，應該係《Stand By Me》，改番先。
To fun,
ReplyDelete我都好鍾意她第2張碟《Holiday》，concept、選歌和美指幾好，不過其實她的作狀唱腔在《Valentino》已開始出現。
93年我未開始聽厭佢，CY Kong的快歌好好，在華星的小品經營下，慢歌都有味道，最後一張《其後》將她的歌路提高了不少。
過檔華納後才因大路過大路，令人提不起興趣，K歌加「前衛」形象，殺入MK族，才令你和我敬而遠之。
全盛期過後，她偶然搞下新意，可能因為有蔡德才班底，可聽性可反高過最紅時，但唱功日漸西下，永遠返唔去《乾一杯》第一次出現時的明亮。
鄭瘦文唱{情斷維也納}難聽到死, 首歌本來唔難聽, 但佢唱得好恐怖!
ReplyDelete我都唔明佢點解唔肯學下聲樂, 成日淨係掛住整頭整髻整衫, 減肥又減到個身體壞哂, 睇住佢面腫身瘦個樣真係覺得好scary!
講漏左d野..
ReplyDelete何國星原本好似係郵差黎架..
河合奈保子88年已經係連續第2年做新秀嘉賓架啦，87年都係佢！
88年新秀期間，岩岩推出“午夜吻別前”，河合趁勢黎埋做宣傳，又上Sunday任你點、EYT，又拍埋MV.. 呢首歌推出之後電台都有播架，有上過叱吒添！
午夜吻別前其實有日文版，都係成龍+河合，個編曲好好多架..
前一陣子，睇過鄭秀文係雜誌嘅訪問。佢話好耐無現場唱「其實你心理有沒有我」，原因係首歌太高音，唔打算係演唱會度再唱。我心裡奇怪，唔係嘩，真係唔多覺首歌難唱成咁喎。相比其他天后啲歌，更只屬輕量級程度，正所謂難極都有個譜。真係唔知Sammi係休息得太耐，信心不足，定係佢都知自己嘅唱功，實在斤兩有限，無謂以身犯險，攞架嚟丟。
ReplyDelete其實個時聽佢翻唱「多得他」，都覺得佢唱得幾吃力，高音部份 (已經比原曲降低咗幾個音)，都仲要靠啲chorus去back up託住，致叫做遮遮掩掩咁輕輕帶過，完全失咗原曲powerful嘅味道。睇怕要佢現場唱呢首歌，真係更加唔駛諗喇。
好認同 順風耳 對《情斷維也納》的感覺！
ReplyDelete記得我第一次聽呢首歌，係同我家姐一齊聽，我地兩個聽完異口同聲：「嘥晒首歌！」
其後有機會聽番原曲，發現編曲幾乎一樣，內容都同中文版差唔多，咁即係話係鄭小姐既唱腔破壞晒首歌......
初初幾隻碟，好憎佢d "T" 音，誇張到死！好彩後來收斂左。hit歌我最鍾意《say you'll be mine》，反而favourite side track有好多，《醉鄉》from "holiday"、《那天你愉快嗎？》"同居蜜友"插曲、《艷遇》etc。
何國星參加新秀前已在《歡樂今宵》一個歌唱比賽做過幾任台主；係舊公司春茗見過佢，當時做配音。
ReplyDelete娃娃看天下。
ReplyDelete聽佢唱多得他真係想死~
ReplyDelete唱灰色都係另一噴飯之選.. 呢d真係叫無咁大個頭唔好帶咁大頂帽..
不過咁，我都好鍾意佢其中一d舊歌既..
不來的季節、醉鄉、娃娃看天下、say u'll be mine、chotto等等、熱愛島、折翼天使 etc..
Its seems not mi fan over here ...haha....
ReplyDeleteya .. u do think that sammi not a diva ... not a big deal ....
but i can sure 90% people there think that sammi is hk 's diva !!
one of the 90% is ME ! im not from hk ... but sammi cheng always is a diva in my heart until forever .
i understand we cannot expect 100% people in world to like a person . different ppl , different thinking , different ppl , different comment .....
so , this is something i wanted to sound out
世间觉无完美之事，就像不是100%的人类都
ReplyDelete属于MIfan那样，就像不是100%的人愿意花时间去了解sammi那样，她不需要人们的了解，正因为她已看穿了世间的不完美！！！
我永远撑她！！！
世间觉无完美之事，就像不是100%的人类都
ReplyDelete属于MIfan那样，就像不是100%的人愿意花时间去了解sammi那样，她不需要人们的了解，正因为她已看穿了世间的不完美！！！
我永远撑她！！！
楼主真是有恋尸癖！
ReplyDelete同意chang講GE野,最重要係..我覺得除非你地做得好過Sammi如果唔係你地無資格批評佢LOR
ReplyDeleteshit!!!!!!
ReplyDelete我支持MIFAN的说法......
MI不可能可以去满足每一个人.....
MI熬得鸡汤..你们不喜欢就算了..
我相信还有其他的人会欣赏...
拜托....你们不喜欢这MI熬的"鸡汤"...
就不要批评....
至少MI为了这个"鸡汤"下了不少心机...