TVB拍戲/MV揀location有時好是但，皇后碼頭屬於最就手外景之一。林憶蓮的音樂特輯《現代愛情戀曲之野花》(1992)，演流浪畫家，梁朝偉做男角，開畫廊，主景選在懶bohemian的赤柱，但有時突然出現於皇后碼頭，而且不連戲，由赤柱大街指一指，就走到大會堂對出，匪夷所思，可能因為天雨關係，臨時改了拍攝場地。
這樣也好，造就天后影帝在皇后碼頭留影，成了這不告別的歌迷集體回憶片段。
憶蓮偉仔@皇后碼頭
戲中，憶蓮自稱無根的野花，因不想被綑綁，要離開朝偉到法國。他想到機場送她，她拒絕 :「不用了，我不喜歡說再見。」
他們講這段對白時，背景正是皇后碼頭。口裡說不依戀，到底不捨，這個城巿也是一朵無根的野花。
憶蓮偉仔@愛丁堡廣場
我好愛憶蓮這個懶波希米亞造型.. 都係個句佢著casual係最靚既~
ReplyDelete不過梁生個身造型就真係嚇破膽，尤其係佢個髮型..
特輯內最經典一幕：朝偉到赤柱找憶蓮，憶蓮的鄰檔檔主林映暉手一指：佢o係個邊喎.. 跟住鏡頭一轉已見憶蓮企正響皇后碼頭.. 笑死~~
覺得朝偉和憶蓮拍的另一輯《愛情戀曲》表現比較好喇。
ReplyDelete果期朝偉由頭到腳既造型都幾唔得 >.<
瀟瀟灑灑的給我瀟灑的上機~ 我覺得《心窗》比較得意d, 一來憶蓮扮修女(梁舜燕做Sister!), 二來朝偉同憶蓮罕有合作, 但真係幾"the sound of music"...
ReplyDelete憶蓮朝偉嚮公仔箱的兩次同場演出，個人就較偏愛『野花』單元多啲。 憶蓮的一身畫家裝扮好靚、好有型，配上我鍾愛的『野花』作主題，更是深得我心。
ReplyDelete不太喜歡兩年後的『心窗』，故事太牽強，又要憶蓮扮修女，總覺得拍得她不夠漂亮悅目，當時仲有點替憶蓮感不值添。
天后加影帝，唔知要再等到幾時，或仲有冇下次呢？
阿Chi,你仲快過D傳媒介紹"憶蓮偉仔@皇后碼頭",蘋果都係今日先有(1/8)
ReplyDelete