EYT 七色漣漪 林姍姍 - 想跟你露營/痴心/點點追憶 (1987)
想跟你露營 - 作詞 : 林振強 / 痴心 - 作曲 : Takishimiki 作詞 : 小美 / 點點追憶 - 作曲 : 李宗盛 作詞 : 潘偉源
都咪話唔驚，20年前的林珊珊去露營溝仔 (同一唱片公司的大隻佬杜德智)，現在兩個女都大晒，再開口唱歌，怎好意思唱《痴心》，新歌講人生競賽，剖釋命運大道理，人到中年就要咁悶？
林珊珊 (feat.鄭丹瑞) - Kiss Me Goodbye (2007)
作曲/編曲/監製 : 陳光榮 作詞 : 青介 獨白撰寫 : 林海峰
不知現在還有沒有書院女，80年代她們佔重要角色，講得唱得睇得，因為女校注重歌唱比賽、辯論比賽、戲劇比賽，培養這樣一班娛樂圈新女出來，她們只是中五畢業，但英文咯咯聲，識得寸寸貢，不做鵪鶉，中學訓練已夠她們行出來高人少少。
當中九龍瑪利諾出產最多娛樂圈書院女，因為鄰校有女拔萃 (出產最多女高官)，喜歡鬥鬥鬥，很多瑪利諾妹都牙尖嘴利，林珊珊是代表人物 (她原名林姍姍，現改名林珊珊)。
同門姊妹則有關之琳、李嘉欣、劉美君、章小蕙、梁詠琪、傅珮嘉、陳文媛、Kellyjackie，名人高官代表有龔如心、(劉)李麗娟、余黎青萍、劉健儀。香港瑪利諾 (現改名瑪利曼) 有陳美齡、陳慧嫻、林憶蓮、路家敏、李端嫻、陳芷菁、周嘉玲、宣萱、何超儀、陳貝兒 ；名人高官有沈德寶利、胡紅玉、尤曾家麗、劉慧卿、周蕙蕙、羅寶文、趙式明/和/平/芝。
書院女故事，往往成為一則則都巿傳說，譬如，林珊珊在學校太寸，被同學排擠，當時章小蕙是薯妹，戴厚眼鏡，只有她和林珊珊玩；某日放完長假回校，章小蕙忽然懂得打扮，變成靚女... 林珊珊入行後，有了一班歌手朋友，包括鍾鎮濤，有一次開party，章小蕙也有來，鍾鎮濤一見她，便墮入愛河...
林姍姍 - 戀愛預告 (1984)
作曲 : 陳百強 作詞 : 鄭國江
林姍姍 - 青青珊瑚島 (Remix) (1984)
作曲 : 鮑比達 作詞 : 卡龍
林姍姍 + 陳百強 - 再見Puppy Love (1985)
作曲 : 林慕德 作詞 : 卡龍
林姍姍 - 我的星座 (Remix) (1985)
作詞 : 卡龍
林姍姍 - 星之碎片 (1985)
作曲 : 盧冠廷 作詞 : 潘源良
我讀中一時，《三個小神仙》好紅，一放學回家就要聽他們，現在不太記得節目內容，唯一記得他們播葉德嫻《你留我在此》，裡面有一句「單單缺了你，世界哪會有意思」，他們笑「單單」是阿旦，所以大播特播。林珊珊是三人之中第一個做DJ歌手的，不知當年有沒有學生哥覺得她靚，但一定比阮小儀討好，第一張大碟封面用超大頭相，三寸針眼碌碌，賣青春可愛，頭三張唱片全部唱少女情懷，路線定得很明確。
林姍姍 + 陳百強 - 曾在你懷抱 (1986)
作曲 : 林慕德 作詞 : 盧國沾
林姍姍 - 把歌談心 (1986)
作曲 : 林慕德 作詞 : 卡龍
出了3張大碟，立即推出新歌+精選《精裝林姍姍》，青春偶像都要搵快錢，唱片封面露半邊臀部，我記得曾引到人嘩嘩叫；她之前很少唱快歌，這次將Modern Talking的《Brother Louie》和《Cheri Cheri Lady》混合改編，Euro dance beat，少少情慾，但都是以鬼馬為主。
林姍姍 - 連鎖反應 (Special Remix) (1986)
作曲 : D.Bohlen 作詞 : 林振強 編曲 : 唐奕聰
1987年2月，《憶蓮 (激情 )》、陳慧嫻《變變變》、林珊珊《痴心》同一星期推出，CBS/Sony、寶麗金、華納三位青春女歌手正面交鋒，三個都是書院女，憶蓮慧嫻鬥得相當激烈，若以無線勁歌計，《激情》入到季選，《貪貪貪》和《痴心》都入不到，87年頭一仗憶蓮勝出。
林珊珊是陪跑的一個，相信她也不介意了，因為當時她忙於戀愛，出了這碟後，她突然消失，到美國和李啟淦結婚生女，王菲、謝安琪都要向她嗌聲師姐。
林姍姍 - 也許當時年紀少 (1987)
作曲 : 村下孝藏 作詞 : 潘源良
林姍姍 - 出嫁的清晨 (1988)
作曲 : Hollier/Munsumarra/Calabrese/Zandi 作詞 : 陳少琪
已為人婦的林珊珊，歌路變得進退維谷，重返樂壇的《勁草嬌花》唔新唔舊；她以前主要唱少女歌，人長大後，仍未掌握到表達較複雜情感的歌曲，1990年再推出一張由林振強、小美分男女角度寫詞的大碟《他與她》後，便沒有再出唱片。林珊珊92年離婚，95年擔任唱歌比她難聽10倍的鄭伊健經理人至今。
林姍姍 - 舊風褸 (1989)
作曲 : 徐日勤 作詞 : 小美
林姍姍 - 日夕回味 (1990)
作曲 : 徐日勤 作詞 : 小美
我都曾經聽過林姍姍o既﹐佢都係Sandy﹐不過係Sandy Lamb。除o左《戀愛預告》﹐佢仲有隻關於賀年放煙花許願o既歌﹐果時都幾紅。當時佢屋企唯一一個對佢紅o既時候唔係咁高興o既係佢個妹﹐因為兩人生得似﹐成日俾人認錯係林姍姍﹐有o的失去個人身份。
ReplyDelete果時我都有聽《三個小神仙》﹐聽得出何嘉麗有時會有檸檬味﹐畢竟兩人把聲有o的似﹐但林姍姍就cute好多﹐亦紅好多。後來何嘉麗同阿旦出o左一隻《無可奉告》﹐亦係戲言一句成真。
林姍姍有幾首歌係幾好聽﹐除o左《戀愛預告》﹑仲同陳百強合唱o左兩次﹕《曾在你懷抱》同《再見Puppy Love》﹐以新人o黎講能夠同陳百強合唱﹐可以算陳破格提攜。林姍姍唱歌比較硬﹐一首《把歌談心》叫做唱得最軟。不過比關淑怡後來炒作o黎騷o左一下﹐即時有上下床之別﹐林姍姍都係唔可以食唱歌呢行飯。
佢果年飛o左去美國﹐人云亦云。阿旦叫做好講義氣﹐o係佢自己出版o既漫畫裡面同林作專訪﹐又放相又傾計極力澄清當時林去讀書渡假而已﹐無結婚無生仔(女)。十四歲o既我都信以為真。
我當年都鍾意林姍姍，有一期佢同陳慧嫻，憶蓮鬥到八彩。
ReplyDelete林姍姍既聲同何嘉麗好相似,加上又係電台出身,自然有比較。
ReplyDelete林姍姍, SL同PC鬥既時候,我都未係好留意樂壇,所以唔係好知果陣有幾激烈,不過今時今日,已經各自有各自既生活,唔知佢地睇返當年既"鬥",會唔都係得啖笑呢~
記得當年伊麵去多倫多做一個活動既嘉賓，林小姐當然有同行，我個同事訪問完伊麵之後諗住同林小姐影相，點知佢話：我係唔會影相架喎~~ ok吋~
ReplyDelete87年個場大混戰好精彩，我d同學猛追住個走勢，而當時我係幾乎唯一一個買晒3張唱片既~
講歌我最得《墮入情網》、《戀愛預告》、《也許當時年紀少》同《把歌談心》~~
好開心終於有篇講係介紹林姍姍!
ReplyDelete你問我喜歡林姍姍什麼,我也不知,或者我由細到大都喜歡同一d咀多多,寸寸貢既女仔相處!!
80年代頭香港樂壇好像改朝換代,一下子出現好多好多青春歌手,成績比較特出有83既林志美,84既陳慧嫻,林姍姍,85年林憶蓮.....林姍姍也算是成績比較特出的一個,至少第一張唱片已賣了金唱片數字.
還記得一本音樂雜誌"新時代"既最佳女歌手選舉,林姍姍居然榜上有名,另一個當然係梅艷芳.你咪話唔威.
姍姍一連幾張大碟,都算是銷量不錯,精裝林姍姍更大賣四百金.
可惜這一些好成績都係在佢生女前,回歸後既成績已大不如前了,或者當時大家既姍姍迷,還未接受這個妹妹仔,已是人母吧!
87年"痴心"一碟雖然也有金唱片銷量,但比起慧嫻同憶蓮既成績,實在有些少遜色!無辦法大家一聽3張唱片既選曲,已分出高下
要數姍姍既好歌,我會選"墮入情網" "戀愛預告" "再見puppy love" "星之碎片" "曾在你懷抱" "把歌談心" "也許當時年紀少"
痴心" "勁草嬌花" "出走的清晨" "突然" "舊風褸" "只要你關心" "日夕回味"
到現在我也想不明, 雖然林姍姍不是一位天往巨星,但她肯定是80年代那批銷量好既女歌手之一,但到現在周街出了那麼多的復黑,偏偏林姍姍復黑唱片只有一隻,這點希望網主可以幫我地這班姍姍迷跟唱片公司反應一下!!
我諗好多人都唔識"星之碎片", 一首我好鍾意o既歌~
ReplyDelete啊~ "青春珊瑚島"~~~
ReplyDelete又被回憶襲擊了~~
呢個blog個舊名, i still remember,
在我們遺忘之前...
唔好意思, 講開又講, 收唔到掣... (浸版添)
ReplyDelete1/ 志雲飯局: 林珊珊 @youtube
http://www.youtube.com/watch?v=OxHspSXVLqo
此乃part 1. 一共有5條片, 大家可以順住睇.
2/ 關於書院女, 仲有一個人要提, 周凱旋, 聽講佢同林珊珊同一年入港台受訓.
不過我唔知佢讀邊間.
比較難接受林姍姍的門牙, 當時她的門牙中間有補過,但又補得唔好, 補過的位置有深色邊,又好似就跌就跌咁, 佢仲成日E起棚牙笑, well......佢好有自信。
ReplyDeleteThis comment has been removed by the author.
ReplyDelete>明樹 said...
ReplyDelete> 可惜這一些好成績都係在佢生女前,回歸後既
> 成績已大不如前了,或者當時大家既姍姍迷,還
> 未接受這個妹妹仔,已是人母吧!
By the time she returned to Hong Kong, I was on my way to Boston, so I can’t say what the reason of the lack of success in her post-motherhood career is (BTW, the fact that she had become a mother was kept from the public until ten years later, thus can’t be a reason for her fans not accepting her as a mother). But I can say that her career was already skidding before that. Her third release《姍姍》was a flop, her second movie《鬥氣小神仙》fold within a week of release, and the “half moon” album cover in her best collection was a desperate attempt to salvage her decline, which only succeeded marginally (I am curious to know where did you come up with that four times platinum figure of her best collection sale, considered that the official highest sale figure of the *other* Sandy Lam’s Cantonese release “Drifting” was only three times platinum).
The battle between Priscilla and the two Sandys in 87 was a memorable event for my generation. During those days record stores managed to get the album cover before it became available and you can smell the gunpowder in the air when you see all three album covers sitting side by side. I think it was over-confidence on Warner's part to put Sandy Lamb in the direct competition with the other two when she only got out of her slump with her best collection. It was a time she should regroup musically; instead they put her back in that fairy tale princess mold to compete with Priscilla and Sandy. By then it is obvious that she was a one-trick pony and understandably she got crushed
林姍姍以DJ歌手嚟講，唱片成績算幾標青。華納當年幾興用「舊人帶起新人」嘅捧人方法，我覺得陳百強幫佢寫歌同合唱，真係响事業上幫咗林姍姍唔少。情況同林子祥出哂力幫初出道嘅葉蒨文一樣。
ReplyDelete林姍姍頭數張唱片d歌幾好聽，好有少女情懷，幾啱佢歌路。 我都想華納可以出番佢嘅復刻版，可以再聽番當時鍾意嘅『許個願望』、『墮入情網』、『屋頂上』、『當日你緊握我手』等較冷門的歌。
『三個小神仙』果時期好紅。記得港台當年曾搞過幾屆「十大紅人選舉」，林姍姍連續兩年都榜上有名，我當時覺得港台擺明係想益自己友嘅。 我仲記得其他入選嘅「十大紅人」包括阿梅、哥哥、倫伯、Danny、發哥、紅姑等，賽果很合理。但最無厘頭係港台冇預備任何獎座俾得獎人，只係眾星圍埋合照同送上「富士紅蘋果」一大個就算，認真慳皮兼騎呢。
87年未婚懷孕單新聞都鬧得幾哄動。佢美國生完女返港後，出咗『勁草嬌花』唱片，當時好似已經轉去商台開咪啦。 但好明顯，佢無論响電台同唱歌的受歡迎程度，都真的是大不如前，不復當年勇了。 『勁草嬌花』唱片內，『單身貴族』同『第三者』呢兩首歌都算幾唔錯嘅。
"唱歌比她難聽10倍的鄭伊健"...嘩哈哈哈! 最近商台有隻台, 搵楊千嬅, 鄭伊健同佢細細佬林曉峰唱. 鄭生把聲忽然變得好少年, 明顯比以前"有心機"唱, 但效果呢就...
ReplyDelete講開鄭伊健, 佢肯定蝕左林珊珊唔少$$同心血. 見到佢著住羅賓套戲服簡頭慘不忍睹. 鄭生好歹都係90年代初係Fantastic 4之後較受後生仔歡迎既一個 (我見好多同學都聽佢CD. 拍劇又孖住陳松伶).
暗報曾經訪問過鄭生, 話無論演戲、唱歌、有型, 佢明顯唔及周潤發, 劉德華、張學友、黎明,咁佢自己點睇自己有乜強項?
鄭生既回答係: "懶囉!" 可能佢既意思係指自己"頹廢look"夠煞食. 其實, 我都覺得"懶"係佢失敗既理由之一~~~
聽到姍姍既新歌, 有種好似返回讀書年代的感覺一樣.
ReplyDelete當年我最記得佢同慧嫻,憶蓮同期出碟, 攪到我頭都大埋唔知買邊兩張碟好(因為零用錢有限的關係, 只可夠買兩張唱片), 最後我放棄了姍姍.....
雖然當年冇咁鐘意佢, 但其實姍姍都有一些自己幾鐘意的歌, 如"星之碎片", "當日你緊握我手", "也許當時年紀少"等等, 好期待佢會再出唱片呀~~
好怪，大陸對林珊珊首”連鎖反應”好似情有獨鍾，好多翻版ＣＤ舖成日用來炸機．
ReplyDelete我每次一聽到，都想大嗌：大佬！首歌成廿年前啦．．．
網主好勁~當年的三位青春女歌手的事情寫得好清楚!我最記得當年(87年）2月23日那天到唱片舖,竟然發現她們同一天出碟,最後我用了當時身上所有零用錢買晒三張,打後幾天返學lunch都係食麵包!平心而論,當時珊珊碟內的歌曲質素不錯,但就是太平均,沒有一首特別'搶耳',所以有些蝕底,再加上當時興玩形象,陳慧嫻的'品姨髮型'和林憶蓮長曲髮加粗眉濃妝實在太出位,珊珊仍舊保持一副小女孩形象(可能因上一張精選唱片形象太性感不被受落,所以走回少女形象)令到珊珊位於二人之下~其實'痴心'這張唱片除了主打歌'痴心'(我記得這首歌改編自鄧麗君的日文歌'Scandal')好聽之外,'也許當時年紀小','Rock Me Tonight'及'晴天雨天'(改編自中森明菜的冠軍歌'Fin')都好聽.其實當年Paco為珊珊監製這張唱片也下了不少心機,投資也不少,因為當年買下中森明菜及鄧麗君的歌曲版權花費會很多~
ReplyDeleteI still love her, even today.
ReplyDeleteOf course, I used to love her as an Idol, now as a singer.
Priscilla Chan and Sandy Lamb have been "growing" up with me.
I really wish Sandy would continue to sing. I like her 小女孩形象.. even she is a mom now, she still look like one. haha... amazing!