奧運是宗教、是國慶、是新年，無人走得甩，8888你在做什麼？睇了少少偷拍的開幕式，當係trailer，好似幾吸引，盜墓迷城+蝙蝠俠+金黃甲+無極，當睇戲也好。
上次有巨肺傳聖火，戲肉來了，加埋張立基的92年巴塞隆拿奧運歌《永不言敗》，Maria Cordero也是巨肺，唔知點解，凡係奧運都要有呢挺大喉嚨來贈慶，今年京奧有莎嬸。
張立基 (Feat.肥媽) - 永不言敗 (1992)
作曲 : S. Burrell/M. Kelly/J. Earley/L K. Burrell/Felton C. Pilate II/C.Y. Kong 作詞 : 潘偉源 編曲 : C.Y. Kong 監製 : 王醒陶/張立基
原曲是當年紅得發紫的MC Hammer《2 Legit 2 Quit》 (1991)，加入C.Y. Kong新作的旋律取代rap，MC Hammer的原曲也是和體育有關，MV裡有一班美國運動員露面；以下的《永不言敗》配上巴塞隆拿奧運畫面。
唔睇你個 blog 我都醒唔起係今日，不過知道都冇諗住睇...
ReplyDelete作曲人有 CY 份，令我諗起＜傾斜＞同＜夜生活＞
張立基比甄楚倩早一年過檔無線，後者當年有 N 條粉色長裙扮跳紅磨坊... (ps 版主有冇諗住介紹甄楚倩新藝寶三張碟？有幾首都係西歌之選 :)
又係張立基?
ReplyDeleteChi 兄都好有張生同甄小姐的情意結。
不過我都有。
呢隻歌如果沒有肥媽，就變得好普通。
但係張生唔係唱得好多句。大部份都係和音同肥媽把聲。調番轉 feat 張立基就差唔多。
＜傾斜＞同＜夜生活＞兩個畸屎係許生想抄人地個編曲，叫倫、杜作過新旋律，但創作人過唔到良心，於是加番被抄洋人名字。CY呢個畸屎我估一開始已冇諗過抄，否則歌詞不會和原曲意思相近，我信得過CY與雷氏不相為謀 (否則不會反目)。
ReplyDelete張立基和甄楚倩是樂壇苦命鴛鴦，心口一個勇字，否則不會出到咁多西歌/瑰寶，令人津津樂道，他們生不逢時，我個blog對他們熱情擁抱。
ReplyDelete又是一個88888為題網誌, 又到此一遊~!!
ReplyDelete呀志兄:
ReplyDelete甄楚倩都有睇過你寫佢, 佢都好驚奇咁耐仲有人記得佢, 但都好開心囉....
佢做慣 c9衣家都唔多知樂壇係點形勢。上次呀志偉生日佢都有去過, 佢都唔肯唱歌,佢心理上未準備好再唱歌, 希望大家多給她鼓勵等我地有機會聽她唱現場啦^^
Richard,
ReplyDelete你是甄楚倩粉絲？朋友？得閒幫我同佢講，keep番好把聲先出黎唱啦，唔使急呀。