85年張國榮演唱會最多話題的片段之一, 張國榮捉了陳百強上台, 84年拍聖誕快樂"時兩人可能鬥過氣, 結果都一笑泯恩仇, 有經典的"余麗珍vs李香琴"之論, 實錄如下 :
張國榮 : 接下來唱這首歌, 這位朋友都成日去disco跳舞, 而家唔知佢有無去跳, 不過我同佢都叫做...男性朋友來講, 好多接觸機會, 以前曾經和他拍過電影, 亦都有唱過下歌, 講下我對佢感受俾你們聽, 呢位就係陳百強, 我對佢非常咁不滿, 因為佢作的歌實在太好聽, 我對佢亦非常咁失望, 理由係他的歌沒有一隻作俾我唱, 做電影永遠佢做忠, 我做奸, 如果我地係女人就仲慘, 梗係佢係余麗珍, 我就係李香琴, 好喇, 就由呢個李香琴唱首歌, 送俾余麗珍聽, 各位, 請為余麗珍喝采.
[獨唱半首]
陳百強真係來了? [陳百強上台] 陳百強 : 你想同我講咩即? 我淨係唔想做余麗珍.
張國榮 : 你唔想做余麗珍, 咁你揀一個啦, 嘉玲姐啦. (指台下)
陳百強 : 因為余麗珍個頭飛來飛去.
張國榮 " 我叫做飛機榮, 咪岩你個戲軌囉.
陳百強 : 飛機榮, 恭喜你Leslie. (握手)
No comments:
Post a Comment