新麗晶餐廳酒廊 (1987) 好時代平面廣告

潮流不斷變，尖東disco是87年當紅蒲點，餐廳酒廊已out，新麗晶餐廳酒廊駐場歌手，都是唱"別人的歌"的歌手，排頭位的是新秀蔣慶龍，跟住有朱咪咪，另外仲有黑妹李麗霞，和豹妹舞蹈員及穿吊帶 (圍裙)、打煲呔的男dancer，節目真係豐富。

蔣慶龍 朱咪咪 @ 新麗晶餐廳酒廊 (1987) 好時代平面廣告
蔣慶龍是82年第一屆新秀，無獎但在梅艷芳第一張碟"心債"Side B錄了兩首歌，之後華星捧唔切人，他一隻碟都冇機會出，唯有唱酒廊搵真銀。朱咪咪，70年代由馬來西亞和新加坡來港發展，簽過華納出碟，之後主力唱夜總會和酒廊，殺手鐧是扮徐小鳳，那時她未做周星馳奶媽，還擺出美艷look，頗省鏡。