尹光演唱會 (1991年1月) 紅館

90-91年無厘頭風大盛, 尹光的不文歌亦登上大雅之堂, 維基資料 : 91年1月, 張耀榮因替某歌手開10場演唱會票房慘淡, 賠了近800萬, 為了止蝕, 因而cut場數, 餘下檔期臨時邀請尹光開個唱, 在沒有任何宣傳和準備下, 賣出七成門票, 表演嘉賓朱咪咪亦很受歡迎. 同年3月, 尹光在紅館再開一場演唱會, 表演當日下午, 紅館外出現長長人龍, 萬多個座位全部爆滿. 91年8月, 他再在紅館添食一場, 成為一年三次登上紅館的歌手.
(2014年蘋果日報尹光訪問) 91年，尹光在紅館開演唱會，開場前幾日只賣出幾千張飛，到開騷一刻，突然一班巴士、小巴及的士司機收工來紅館撲飛，結果回本。尹光憶述說：「我當時話畀番訂佢，佢話唔好，因為之前有歌星腰斬咗，個場吉咗三日搵我做，又話鍾意聽我啲歌，冇人睇自己睇。當年張生冇乜落廣告，所以啲飛賣唔出，點知開場前紅館打晒蛇餅，結果賣咗八、九成飛，再開三場。」
(2008年蘋果日報張耀榮訪問)「同偶像派開騷，賣票當然冇問題，不過我都好欣賞一啲其他類型嘅藝人，我曾邀請過尹光同朱咪咪開騷，畀機會佢哋紅館大唱口水歌，當時票房只得二、三千，蝕本門都未封到，不過我冇後悔，只因為我乜都想試吓，我預咗要蝕，好彩最後臨開騷，忽然有一架又一架嘅旅遊車接載啲觀眾嚟買飛入場，令我喜出望外，至今都唔知嗰班觀眾喺邊度嚟。」

朱咪咪 (1991) 擔任尹光紅館演唱會嘉賓

葉子楣 尹光 (1991) 尹光紅館演唱會
91年開個唱，尹光唱《數波波》搵到當年最紅波霸葉子楣合唱：「佢一嚟到，記者走晒去佢度，呢個圈係咁㗎啦，一定要睇得開。」