我對鮑脆皮的喜愛，始於百福紅豆沙廣告，話說80年代初，百福推出紅豆沙，產品新上巿時，代言人是初出道的鮑翠薇，拍TVC兼唱埋廣告歌。
她的處女大碟有首《紅豆相思》，廣告人將原曲歌詞
「紅豆生南國，春來發幾枝，
願君多採摘，此物最相思。」
改成
「紅豆沙甜美，西洋嘢冇得比，
「食得多滋味，一啖令你歡喜。」
自此她被稱為紅豆沙姐姐，我估歌詞出自當時從事廣告創作的黃霑。霑叔對鮑翠薇寵愛有加，除了《你問我》，還填了首超級西的歌詞給她，就是遍尋不獲、終於由網友檸檬茶提供的《對佢唱勁歌》。雞仔聲唱黑人dance beat已經好怪，口語夾雜的歌詞，給人感覺太街坊，最奇的是，「佢」字在歌名出現，相信在香港樂壇絕無僅有。
鮑翠薇 - 對佢唱勁歌 (1985)
原創 : Tom Snow/Dean Pitchford 作詞 : 黃霑
來自《頂天立地》大碟
「對佢唱勁歌」5個字對應「Let's Hear It For The Boy」，原曲來自青春歌舞片《Footloose》(渾身是勁)，女歌手Deniece Williams原唱，上過Billboard冠軍。比較一下黑人聲線演繹，就知鮑姐唱跳舞歌幾唔掂。
Deniece Williams - Let's Hear It For The Boy (1984)
這首歌在美國早已成為經典，由於《Footloose》被改編為musical，很多中學表演都會唱，到了2000年，更被用作美國版同志劇《Queer As Folk》的主題歌曲，代表戲中17歲男主角Justin，經重新編曲，由Katty B主唱。
Katty B - Let's Hear It For The Boy (2000)
11 comments:
瑰寶即係瑰寶﹐依家都好難再現呢種異彩。現實生活裡面﹐你會對「佢」唱「勁」歌嗎﹖﹖
聽到呢首西歌,我諗起一首古舊的西歌 哥仔靚,一眾的發姣西歌應該以呢一首為始祖啦!
http://www.youtube.com/watch?v=PguctAOGi2g
好正呀, 呢首歌當年被dj介詔為最新先進科技造成的音樂啊!d stereo effect好勁啊
我勁中意哩面嗰句歌詞:“知道佢赚錢不多，但對我永冇慳过~”次次聽到都忍唔住笑，因為我自己嘅現實生活中，就有一個甘樣嘅人。
by檸檬茶
當年我成日以為佢唱let serious for the boy, 今日才知原來係 let's hear it for the boy!
我覺得西得來 d歌詞好感動, 衣家邊搵到個咁好既男友呢?而且曲又幾好, 係雞仔聲一d姐, 我接受到囉呢首係好野啊。
chi,
百福紅豆沙不是樽裝的,是四方盒的,同百福豆腐花係姊妹products。記憶中樽裝的應該係叫[百合]紅豆沙,出現喺70年代末,不過大概可能因為無market,唔夠一年就disappear了。
我記得喺紀文鳳嘅點只廣告咁簡單裡面有講過,因為百福請唔起紅嘅歌手唱,霑叔就recommend了鮑翠薇,所以鮑小姐都算係唱廣告歌唱紅的。
ricky,
我撈亂了？原來鮑翠薇賣的是四方盒的紅豆沙？
chi,
那款叫[百合]的樽裝紅豆沙,是有一款特別大的飲管專為吸紅豆用的(不過就無類似珍珠奶茶用的咁大)。
講開個百福廣告,細個嗰陣最有印象嘅係廣告歌頭兩句「紅豆沙甜美，西洋嘢冇得比」鮑小姐著古裝唱,之後先至變番時裝,可惜搵過Youtube又係搵唔到。
thanks ricky,
已將內文的錯料改番。
鮑脆皮結婚息影後好像去了做保險...不知近況如何?
S
CHI,原來還有一首極品，歌名用了“佢”字的，就喺陳秀雯的（點睇佢亦唔壞）
BY:檸檬茶
Post a Comment