又係91年出現的樂壇經典, 以洗腦方式在TVB深夜買廣告時段播放的"像霧像雨又像風", 迅速令香港人認識了兩個名字 : 飛圖, 梁雁翎. 當時有些朋友說, 梁雁翎像老土版劉嘉玲, 她的"像霧像雨又像風", 是娘版許志安"翻騰", 同一首旋律, 許志安成功變了反叛型男, 邪邪地, 梁雁翎卻土氣得像廣州歌廳歌手, MV又拍得娘, 不過飛圖落重本狂谷, 食正卡拉OK正需要娘娘哋的歌, 梁雁翎打入香港樂壇, 自此多了個飛圖K后. 最初飛圖只是出卡拉OK鐳射影碟起家, 老闆葉志銘 (葉玉卿阿哥) 都唔係好多人識, 91年飛圖推出自家歌手, 據聞梁雁翎是葉志銘女友, 亦有傳梁雁翎是老闆之一, 谷得極之落力, 在TVB午夜十二點有"飛圖鐳射卡拉OK流行榜"這種advertorial, 十五分鐘連播幾首KTV. 同時飛圖替細唱片公司如永高創意的張智霖許秋怡"現代愛情故事"製作和宣傳MV, 飛圖勢如破竹入屋, 之後更有葉玉卿等其他歌手走紅. 梁雁翎85年參加新秀落敗, 同年參加亞姐亦落選, 之後做亞記藝人, 呢段歷史沒有太多人記得, 直至"像霧像雨又像風", 香港人才知有梁雁翎這個人.
音樂總監 : 鍾定一, 丁曉雯
No comments:
Post a Comment