不告別 - 憶蓮偉仔@皇后碼頭

















TVB拍戲/MV揀location有時好是但,皇后碼頭屬於最就手外景之一。林憶蓮的音樂特輯《現代愛情戀曲之野花》(1992),演流浪畫家,梁朝偉做男角,開畫廊,主景選在懶bohemian的赤柱,但有時突然出現於皇后碼頭,而且不連戲,由赤柱大街指一指,就走到大會堂對出,匪夷所思,可能因為天雨關係,臨時改了拍攝場地。

這樣也好,造就天后影帝在皇后碼頭留影,成了這不告別的歌迷集體回憶片段。





















憶蓮偉仔@皇后碼頭


戲中,憶蓮自稱無根的野花,因不想被綑綁,要離開朝偉到法國。他想到機場送她,她拒絕 :「不用了,我不喜歡說再見。」

他們講這段對白時,背景正是皇后碼頭。口裡說不依戀,到底不捨,這個城巿也是一朵無根的野花。



















憶蓮偉仔@愛丁堡廣場

5 comments:

Fun said...

我好愛憶蓮這個懶波希米亞造型.. 都係個句佢著casual係最靚既~

不過梁生個身造型就真係嚇破膽,尤其係佢個髮型..

特輯內最經典一幕:朝偉到赤柱找憶蓮,憶蓮的鄰檔檔主林映暉手一指:佢o係個邊喎.. 跟住鏡頭一轉已見憶蓮企正響皇后碼頭.. 笑死~~

Wordy said...

覺得朝偉和憶蓮拍的另一輯《愛情戀曲》表現比較好喇。

果期朝偉由頭到腳既造型都幾唔得 >.<

agnes said...

瀟瀟灑灑的給我瀟灑的上機~ 我覺得《心窗》比較得意d, 一來憶蓮扮修女(梁舜燕做Sister!), 二來朝偉同憶蓮罕有合作, 但真係幾"the sound of music"...

lemon tree said...

憶蓮朝偉嚮公仔箱的兩次同場演出,個人就較偏愛『野花』單元多啲。 憶蓮的一身畫家裝扮好靚、好有型,配上我鍾愛的『野花』作主題,更是深得我心。

不太喜歡兩年後的『心窗』,故事太牽強,又要憶蓮扮修女,總覺得拍得她不夠漂亮悅目,當時仲有點替憶蓮感不值添。

天后加影帝,唔知要再等到幾時,或仲有冇下次呢?

OGAKE said...

阿Chi,你仲快過D傳媒介紹"憶蓮偉仔@皇后碼頭",蘋果都係今日先有(1/8)