百聞不如一見 - 關菊英《黑影》(1986)

作曲 : 奧金寶 作詞 : 向雪懷


重手眼影、黑絲襪、趴地,聽網友繪形繪聲,不如去片...原來片尾還有輕撫肌男畫面。

今年看過關菊英和汪明荃的演唱會,前者49,後者60,兩個都在華星出過兩張唱片,同樣曾重新包裝,化過濃妝、跳過姣舞,關菊英有《黑影》,汪明荃有《Pink Lady》。她們兩個的紅館騷,最大分別是細契抹乾淨晒當年自己有過這麼一頁,連《新的一頁》也不唱;而汪阿姐仍搵草蜢一起扭住夾《熱咖啡》,所以她有一班圈中人追捧為女王,而大公仔只能滿足煲劇師奶。

有了YouTube,人們不會忘記,關菊英的《黑影》MV好看過她的演唱會任何一個環節,珍貴在已被列入中古史料,不會再生為當代live version。

我不記得當年看過這個MV,現在看是當新片睇。講真我的記性不及很多網友,但喜歡捐窿捐罅搵資料,掘下掘下當考古,如果能夠列埋表仲開心,呢種學術研究好像叫做moliuology。

5 comments:

Fun said...

我應該都無睇過呢個MV~~ 原來《黑影》係原創黎,失覺晒!首歌其實ok呀~ lol!

moliuology.. 我地選美界都有個term差唔多,叫suen-mei-ology,畢業之後就係suen-mei-ologist啦~~

best actor said...

借問聲最後係咪入o左Leather Bar??
too funny.

Ogake said...

霎眼望一望,咁似麥潔雯既~~

??? said...

唔覺唔覺, 呢首歌原來已經有21年歷史.

睇完片, 只能講句: 菊姐既保養功夫真係厲害.

小臭 said...

嘩,呢首歌我記得,係我當年性的啟蒙來架.