一碟歌手 (2) 仇雲峰


在YouTube看到一個叫做tommyshoutomtom的channel,裡面只有8條片,除了《半真半假》,其他歌都沒有寫歌名,不是叫做Shou Wan Fung,就是叫做Tommy Shou,神神秘秘,我估上載的人就是仇雲峰本人,profile資料 : 今年40歲,住在美國Virgin Islands (嘩,加勒比海),如果他1989年出道時20歲,今年四張嘢,應該沒錯。

仇雲峰 - 半真半假 (1989)
作曲 : 仇雲峰 作詞 : 陳少琪


仇雲峰身份神秘,雖然簽華納大公司,但沒有大做,同年華納有個王傑氣勢如虹,掃走一堆獎,但仇生就靜英英,幸而紅不到人紅了歌,有首《半真半假》在卡拉OK小hit,小調風其實頗老土,但適合在K房演繹,情形如《無言的結局》、《片片楓葉情》等差不多。BTW,我覺得他樣子有點像早期周星馳,腔口帶粵曲腔,懶音要改善,假如有機會出第2張唱片,都未必出到第3張。


上面這張是他在《十大勁歌金曲》新人環節出場幾秒的畫面,1989年度新人競爭激烈,關淑怡王傑平分春色,和仇雲峰一樣唱得幾句的落敗歌手,有一些後來變成響亮的名字。下列螞蟻由左至右係 : 林保怡、麥偉豪、仇雲峰、譚耀文、鄭瑞芬、王靖雯、關淑怡、王傑、李健達、區海倫@Echo、文佩玲、李蕙敏@Echo、蘇永康、彭家麗、林楚麒、蔡齡齡。


我常懷疑仇雲峰是不是真名,看來像武俠小說人物多一點,在tommyshoutomtom channel,有另一條片他扮古裝,和周美茵合唱《在水中央》。

10 comments:

Fun said...

仇雲峰係參加88年港台嘅《聽歌學英文歌唱比賽》(當時電視有做)而被發掘架喎,同屆亞軍係陳啟泰呀..

印象中仇雲峰應該係響美國長大,中文麻麻嗰啲..

Wordy said...

反而覺得他像脹版黃翊多一點

仇雲峰入行前教過書,他曾說自己的名字像武俠片角色

他有個兄長 Robin Shou(仇雲波),80 年代尾開始係香港拍左幾年動作片,專演歹角,對手包括甄子丹。上 wiki 查 Robin shou 會有一 d 背景資料

Ogake said...

以前睇DiscJockey見過佢個名, 其他關於佢既事~ 一概不知~ 阿Chi阿Fun wordy都好勁~ 知咁多~~

我本來都想寫一系列一碟歌手~ 但太懶~ 不日上blog~

一個人 said...

「半真半假」幾好聽,可惜不能讓仇雲峰當紅。還以為是九十年代初的歌曲,原來是1989年的作品,剛好20年!

Anonymous said...

當年'半真半假'幾得廣東省同胞歡心

(事緣90年春節到廣東探親時,乘麵包車時偶然聽到內地電台播放此曲,內地表兄隨即說此曲很受歡迎,仲問我「香港係咪好流行?」)

铅笔小丁 said...

想当年内地引进出版了《华纳白金经典名曲Vol.1》,超级大卖,里面就收入了这首《半真半假》。后来出版社又趁热打铁,连续出了好几张。这里有图:

http://www.jd-bbs.com/viewthread.php?tid=1172789

ian =) said...

一碟歌手?我記憶中佢好似連個人大碟都未出過,淨係在華納雜錦出過2首歌而已。

chi said...

仇雲峰的個人大碟資料,可到這裡看 :
http://www.vinylparadise.com/4pop_can/2/284SWF0A.htm

這張碟出得果然低調,出了也有人以為沒出。

ian =) said...

真係從來未見過和聽聞過這張唱片...離奇!

Anonymous said...

我响LA見過佢真人一次,佢係我老婆啲朋友嘅朋友.但係我係老華僑,唔知佢出過唱片,朋友介紹時話佢係香港歌星,我只係有啲surprised, 因為未聽過佢大名,反而提到佢阿哥Robin Shou 我就反而知道,因為佢阿哥係電影 Mortal Kombat 男主角.