我鍾意睇老土歌手扮潮，好有娛樂性，麥潔文一出道唱《簾捲西風》，後來簽娛樂唱片，可想而知是邊種保守路線。86年轉投新藝寶，突然變成dancing queen，主打跳舞西歌，又玩形象，推出混音碟時，化一字眉妖后妝，將兩條眉連成一條，還有四個dancers伴舞，在Canton、Chicago、Hot Gossip開disco tour，宣傳全港首創的7吋正方形黑膠碟，混音跳舞歌包括《蠍色心臟》、《路黑山高錫人夜》和《勁舞Dancing Queen》。
麥潔文 - 路黑山高錫人夜 (Remix) (1987)
作曲 : Jeff Lynne 作詞 : 林振強
麥潔文 - 勁舞Dancing Queen (Remix) (1987)
作曲 : 井上大輔 作詞 : 林振強
新藝寶第一張碟《麥潔文》plug了雙跳舞歌，歌詞同樣咁西，《勁舞Dancing Queen》幾hit，任劍輝白雪仙都俾佢唱埋，好深入民心。可是麥潔文離開娛樂時，有合約糾紛，仲同劉東夫婦鬧上法庭，我記得出呢張碟時，她被禁制上電視表演，因而影響宣傳效果，否則應該可以更hit。
四方黑膠碟還有以下這首remix，個beat好勁，長達7分19秒，歌詞講醫院裡發生的企圖謀殺案，舊情人拿刀指嚇大話女友，說要剖開她的心臟來看顏色，描寫的情景幾激。
麥潔文 - 蠍色心臟 (是我錯) (Disco Mix) (1987)
作詞 : 林敏驄
麥潔文 - 蠍色心臟 (是我錯) (1986)
作詞 : 林敏驄
麥潔文也賣過廣告，當年我覺得海濤是貴價髮型屋 (雖然荃灣綠楊商場都有分店)，原來她做過代言人。
海濤髮型廣告 - 新秀指定髮型設計 (1986)
15 comments:
慢歌有果首咩電台播左唔吉利的夜夜輸錢,好好聽
雖然佢有咁多西歌,但係全部跳舞作品都好有份量,好勁beat
唔係衛詩雷仲德果類雞貨
【夜夜痴纏】係電影【靈氣迫人】主題曲﹐發哥配沙麗﹐果陣時沙麗連主題曲都無得唱﹐重係【勁道十足】o既嘉士伯女郎。呢首歌o的假音好正。
專輯仲有一首叫【難忘的你】﹐果時覺得都幾好聽。:o)
《靈氣迫人》在窩打老道（當年） St. George 大廈旁那幢大廈取景，現在兩幢樓都拆了改建。當年讀小學，常去太子道明愛上課，看罷電影路經該處總覺陰風陣陣，哈哈 ~
以前很喜歡《唐吉珂德》，《緣分》裏陳友就拿過這歌名跟客串的麥潔雯開玩笑。
還有，那段靈蛇舞出自《星光熠熠耀保良》，她出場是對撼張國榮的鴛鴦舞，同場還有張曼玉表演空中一字馬和甄妮塗滿一身金粉的金女神舞。
那時候的電視節目認真又精彩。
wordy,
謝謝提供資料，我睇番YouTube張曼玉那條片，原來是84年《星光熠熠競爭輝》，那時未有保良局參與，你記性驚人。
似乎江太唱西歌好聽d
隻歲月無聲的編曲真係好娘下……
錯了，怪不好意思。《競爭輝》有表演競技，到《耀保良》以唱歌為主，沒那麼好看。
其實叱吒一向都幾撐佢, 始終都曾經係商台人啩?!
江師奶首『Girlfriend』當年真係熱播過一排架，我對呢首歌幾有印象。現在聽番依然覺得勁力十足。不過，佢個段Rap真係好唔掂喇，勁作狀，每次一聽到就想笑。呢首歌係改編自L.A.Reid前妻Pebbles嘅同名上榜歌『Girlfriend』。90年Pebbles同Reid結婚，生咗一子，但幾年後離咗婚。下面是這首歌的MV，Reid同Babyface都有在尾段亮相，幫Pebbles唱和音。
http://www.youtube.com/watch?v=iWAnJQfywpo
講開話很早改編Reid/Babyface寫的作品。印象中在88年，張立基都改咗佢哋一首相當不錯的快歌，旋律很搶耳的。個廣東版名字好似叫做『心跳』（但我不很肯定有冇記錯）。原曲就是The Whispers的『Rock Steady』。
http://www.youtube.com/watch?v=YOmQfg2s8h0
lemon tree,
多謝你提供原曲資料，聽番Pebbles首《Girlfriend》，比較之下，江太把聲真係好師奶，佢敢改編呢種黑人快歌，勇氣可嘉。
張立基那首是《心跳》，收錄在一張EP，我有之後一張《你好嗎》，有《心跳》Remix，他適合唱黑人feel歌曲好多。他在89年《夜消沉》改編了Reid/Babyface作的《Superwoman》，叫做《妳的知己》，早過王靖雯的《多得他》。
嘩, kitman 呀
當年是我的偶像，不過唔敢話俾人知，
當個個都鐘意 Leslie, Anita, Alan時，
俾人知您鐘意麥潔文，會有點尷尬。
《簾捲西風》，
不是娛樂唱片出品，是一間倒閉的公司出的，跟著她去了商台一台做 DJ。
之後先簽娛樂。
曾經娛樂當佢係寶，不過一朝就 ......
您看娛樂從沒有為佢出過雙 CD 精選。
(陳美齡，鮑翠微都有喎)
那個靈蛇 segment，當年我笑了很久，
條蛇肯定俾落了很多麻醉藥。
除了海濤，有一段時間佢都有唱過 watson's 的廣告歌。
"美腿生輝, watson's ....." 正野。
其實 kitman 有隻快歌都 OK，
叫將錯就錯，有已故的關朝聰讀白。
後來同齊成合唱的那隻我都鍾意。
最記得斷，亂，迷亂，像三步曲。
斷，有傳聞話是紀念翁美玲的。
亂最後那句，哀哭聲，聲聲都撲空。我覺得好正。
迷亂就有點普通。
八八年那個官師，差不多令她的事業 end。
之後那些碟都不大好賣。最後去了世紀，出了最後一隻碟。
同 leslie 的合唱歌，都會紅，例如"只怕不再遇上"，"沉默是金"，
但 "Miracle" 竟然連 plug 都無 plug 過。
後來那隻 Leslie 作的一晚都不太掂。
kitman 好多慢歌都好好聽，期待下篇。
Chi,
唔該晒啊，終於確認到首歌名叫做『心跳』。張立基原來有唱過另一個版本的『Superwoman』，真係唔講都唔知喎，幾想聽吓，好奇佢點處理當中的高音部份。
lbst,
你是Kitman專家啊，佩服，我又增了知識。
我好記得「美腿生輝，Watson's panty hose」，色彩亮麗生動的廣告，歌曲入腦，想不到是麥潔文唱的，但她應該沒有出鏡。
謝謝指正《簾捲西風》錯誤，我已更正。在你這專家前，下次寫慢歌篇真的要小心翼翼。
lemon tree,
張立基改編《Superwoman》改得不太好，結尾高音都沒有唱，我遲些放上來讓你聽聽。
同海濤打對台既係名髮廊, 果邊搵黎燕珊拍廣告.
娛樂前Kitman有張碟叫[前塵莫追究], 主題曲是有中式歌廳feel的西歌. 誰還有這張黑膠碟?
Post a Comment