上回講到，《音樂通信》不是偶像雜誌，有些封面人物都幾估佢唔到，譬如沈金鈴。
1982年參選港姐，名銜青春小姐，然後和翁美玲、寇鴻萍一起被編派入《婦女新姿》做主持，前者做了當家花旦 (最近睇無線大寶藏，唱歌好難聽)，後者輾轉入了《歡樂今宵》，間唔中都有唱歌；沈金鈴則簽了永恆，在《永恒十周年特輯》(1983) 中灌錄2首歌，又不了了之，去了港台做DJ。1985年，同屆亞軍鄺美雲加盟寶麗金，推出《再坐一會》大紅，死敵華納想起有個沈金鈴，1987年1月替她推出EP《一見鍾情》試水溫，歌路和鄺美雲接近，均是成熟風情類，最雷同的是歌中加插呢喃獨白。
沈金鈴 - 一見鍾情 (1987)
作曲 : Gainsbourg Serge 作詞 : 林振強 編曲 : 鮑比達
聲線尚可但唱法呆板，歌詞寫暗戀心事，不及鄺美人一出道就帶點情婦feel咁深入民心。
原曲來頭不小，是經典法文情慾歌，呻吟嬌喘聲令人想入非非，1969年推出時英國BBC禁播，梵帝岡發表文告指摘意識露骨，在意大利、西班牙、葡萄牙、波蘭等天主教國家均不得播放。噪音結果令這首歌大賣，世界各地均有人翻唱，劉美君的《大開色界》開頭加插呻吟聲，碟中亦寫上「inspired by 《Je T'aime... Moi Non Plus》」。
Serge Gainsbourg + Jane Birkin - Je T'aime... Moi Non Plus (1969)
現在聽當然不覺有乜咁勁，但在60年代是前衛作品，歌詞寫 : 「我來又去，在你的盛臀之間；你是潮浪，我是赤裸的島。」首歌原本由小野貓碧姬芭鐸主唱，她和作曲人分手後，機會才落入他後來的女友Jane Birkin手中，法文原版比沈金鈴的廣東版有型好多。
沈金鈴只出過一張雜錦一張EP，後來拍過戲，聽講現在做緊保險。
寫選美歌星，應該由阿Fun出手，講真，我以前常把沈金鈴和金燕玲搞亂...現粗略列出名單 (歡迎補充):
港姐
1977
麥潔文 - 簾捲西風 (1981)
1978
曾慶瑜 - 我不哭(國) (1986)
1981
羅佩芝 - 好大的風(國) (1987)
1982
沈金鈴 - 一切還給你 (1983) - 收錄於雜錦碟，87年推出個人EP《一見鍾情》。
鄺美雲 - 再坐一會 (1985)
吳夏萍 - 尖東海傍 (1985)
1985
周海媚 - 日出愛情(國) (1995)
1986
鄭婉雯 - 大家Happy (1986/7)
吳婉芳 - 難言再見 (1989)
1987
李美鳳 - 熱愛Can't Let You Go (1991)
伍婉琛 - 心跟你心 (1994)
1989
朱潔儀 - 對手戲 (1997)
1990
袁詠儀 - 沒什麼(國) (1998)
1991
何婉盈 - 再見亦是朋友 (1992)
1992
張玉華
1994
譚小環 - 如果天空要下雨 (1996)
1999
原子鏸 - 只為您(國) (2006)
原來第一位由港姐變歌手的是麥潔文，最後一位是自資的原子鏸。出過最多唱片的是鄺美雲，除了麥潔文仍有教人唱歌，現在留在樂壇的一個都無。
亞姐
1985
梁雁翎 - 像霧像雨又像風 (1991)
葉玉卿 - 擋不住的風情 (1992)
1989
翁虹 - 變了模樣(國) (1995)
伍詠薇 - 失落於巴黎鐵塔下 (1995)
1990
陳寶蓮 - 較春(國) (1998)
1992
左戎 - 盼(國) (1996)
健姐
1985
林河廷 - Strangers Dream(日) (1987)
梅小惠 - 十二萬火急熱線(和阮兆祥合出一碟) (1994)
劉美娟 - 全因為祢 (2001)
華姐
1988
郭秀雲 - A Brighter Christmas With Sharon & Friends (2007)
1993
鍾麗緹 - 在內地組成3人女子組合女神，計劃2008年出碟。
電視小姐
1986
林帆 - 仍然喜歡我 (1992)
澳門小姐
1989
李莉莉 - 我要你每夜陪住我 (1994)
溫哥華華埠小姐
1978
劉天蘭 - 三人行 (1981) - 林子祥、詩詩合唱；出過數首合唱歌後，1987年推出個人唱片《City Girl》。
以下佳麗「開過口」錄群星碟，但未曾推出個人唱片 :
1968
李司棋(香港公主) - 群星高唱 (1982) - 與石修、何守信、林嘉華、胡燕妮、黃日華、黃淑儀、楊群、趙雅芝合唱，雜錦碟內還有大合唱的《金曲重溫》、《朋友》及與何守信合唱的《倩影》。
1973
趙雅芝 - 群星高唱 (1982) - 與石修、何守信、李司棋、林嘉華、胡燕妮、黃日華、黃淑儀、楊群合唱，雜錦碟內還有大合唱的《金曲重溫》、《朋友》及與林嘉華合唱《愛在心內暖》；1975年的《乘風破浪》主題曲片中有份合唱，但唱片版寫楊詩蒂獨唱。
狄波拉(東方選美會--->馬尼拉亞洲小姐) - 心上的情話 (1978) - 收錄於雜錦碟《粵語電影歌曲》，另有與鄭錦昌合唱的《熱情伴侶》。
1975
張瑪莉 - 當你見到天上星星 (1977) - 收錄於雜錦碟《佳藝電視節目主題曲精選》
1984
吳莉莉 - 讓我Fly Like An Angel (1986) - 大熱倒灶落選港姐後組成2人女子組合Douceurs Doux，收錄於雜錦碟《都市節奏第一輯》。
高麗虹 - 東方禿鷹 (1987) - 與元彪、呂珊、洪金寶、胡建中、劉美君、樓南光合唱
1987
林穎嫻 - 選港姐前是第二代開心少女組，曾參與《開心油戲》大碟 (1985)。
邱淑貞 - 赤裸我思緒 (1992) - 只出過雜錦碟
楊寶玲 - 愛，也許不易(福音群星EP) (2001)
1989
翁為德 - 香港新姿態 (1991) - 《卡拉屋企》主題曲，劇中角色大合唱。
1990
梁小冰 - 悸動 (1999) - 收錄在《愛在今天》群星EP，另與郭可盈、吳鎮宇、蔡少芬、李鄭屋村合唱歌《信一天會到》。
1991
蔡少芬 - 每一分每一秒都給你 (1998) - 與吳啟華合唱，收錄在《妙韻仁心》EP。1999年亦有參與《愛在今天》群星EP。
1993
郭可盈 - 有你已經足夠(1999) - 收錄在《愛在今天》群星EP，另與梁小冰、吳鎮宇、蔡少芬、李鄭屋村合唱歌《信一天會到》。
1994
張可頤 - 未選美前以Tina之名組成PP Gals (1991)、《難兄難弟》電視劇原聲大碟 (1997)
1997
佘詩曼 - 黃沙中的戀人 (2006) - 收錄於群星碟《金牌女兒紅》
1999
胡杏兒 - 幸而 (2006) - 收錄於群星碟《金牌女兒紅》
2001
廖碧兒(華姐) - 分手 (2006) - 收錄於群星碟《金牌女兒紅》
2004
鍾嘉欣(華姐) - 發誓 (2006) - 收錄於群星碟《金牌女兒紅》
楊秀惠(華姐) - 別怪他 (2006) - 收錄於群星碟《金牌女兒紅》
29 comments:
有一個叫落選港姐伍婉琛都做過唱手, 但最離奇係落選幾年之後先唱, 係勁歌候選金曲見過佢....張相. 之後冇哂聲氣. 卡拉OK目錄有佢個名, 但冇佢既歌.
I actually like that one song of hers (伍婉琛) very much. It was her first plug and the lyrics was written by Andy Lau because she was signed to his company?
加番伍婉琛了，選美出身的好多都係一碟歌手。
同李美鳳同年嘅季軍林穎嫻未選港姐前係第二代開心少女組其中一個成員, 張可頤算數, 無理由林穎嫻唔計.
另外, 原子穗上年都好似出過張碟嗰喎.
蔡少芬同郭可盈都出過ep,其中蔡少芬重同嗰時嘅男朋友吳奇隆上勁歌金曲, 不過蔡少芬同郭可盈張碟好似係籌款啫.
劉美娟 (健姐)都有唱福音歌,出過(雜錦)CD喎,算唔算?
Sun Sun & Ricky,
算，開過口都算，原來梁小冰都有份。
伍婉琛未簽藝能動音前,好似係參加過飛圖既歌唱比賽的,之後至係"藝能動音"出"心跟你心",主打"心跟你心"後來俾張信哲改編成"他有甚麼好"~
點可以數漏澳門小姐代表 - 李莉莉
仲有有一個落選港姐張玉華,唔記得邊屆,只記得佢係1號,唔知咩公司出品,宣傳欠奉,只見過有街招!
WAI
that's really interesting Ogake it's another rare case of a cantonese song getting covered into a mandarian song or that the cantonese version came before the mandarian version.....someone should write up a list of this type of songs ;-)
oops I just googled 他有甚麼好 apparnetly that's also in cantonese :-S I think 心跟你心 is better cause her voice suited the downer aspect of the melody and arrangement.
張玉華係92年落選港姐(入左5強), 佢張碟當時好似唔係好"正統"咁出架, 應該係 through d 直銷公司之類既渠道先會買到.
仲有以下漏網之魚:
梁雁翎 --- 85年落選亞姐, 後來成為左飛圖一姐
林帆 --- 86年落選電視小姐,係飛圖重點歌手之一
楊寶玲 --- 87年港姐, 唱過福音電影歌曲(好似叫"愛, 也許不易"之類), 類似劉美娟個 case, 不過劉美娟"唱功"好過佢.
張瑪莉 --- 75年港姐, 唱過幾首(應該係雜錦碟), 好似有"明星"
吳莉莉 -- 84年大熱倒灶落選港姐, 之後同另一個女仔組左隊 Douceurs Doux, 唱過 Shy Like an Angel 等西歌.
如果"開過口"就 count, 咁呢兩位可能都要計喎:
高麗虹 --- 84年港姐, 有份唱"東方禿鷹"主題曲
翁為德 --- 89年最上鏡小姐, 有份唱"卡拉屋企"主題曲
唔 sure 95年落選個位張潔蓮, 主持兒童節目既時候有無灌過兒歌唱片?
查實如果夾硬計埋, 早兩年TVB出既女兒紅都有港姐份喎
佘詩曼(97季) - 黃沙戀人
胡杏兒(99季) - 幸而
另外胡杏兒之前有首 1+1, 好似響商台派過下台卦....
噢, 唔好意思, 原來阿chi已經響個entry提左佘胡兩人, 嘻睇漏左!
曾經聽聞梁雁翎85年曾經參加過亞姐？不過唔肯定...李婉華又有無參加過港姐呢？
梁雁翎係85年亞姐31號佳麗, 無入選總決賽.
李婉華應該係無選過港姐, 佢係讀讀下演藝俾人發掘入行, 當然如果佢有報過名選港姐但係無入圍又或者未見報已經縮沙退選, 咁就要佢自己先知啦.
葉玉卿其實都有參加過85年港姐(當年有週刊影到佢由亞媽陪住去港姐面試), 無入圍, 之後走去選亞姐得左, 佢個同屆亞姐好姊姊朱慧珊都係咁.
多謝咁多位補充資料，真係好多連一碟歌手都不如。
沈金鈴響《永恒十周年特輯》個兩隻歌叫《一切還給你》同《永恆的歡呼》，而《一切..》係有拍過MV架喎(tvb版)~~
仲有一個港姐出過碟呀，86年落選港姐11號鄭婉雯出過一隻EP叫《大家Happy》，齋聽名都知係西野，佢仲好只拍過《女人風情畫》之類既戲添..
直到今日我才知原來一見鐘情係邊個唱. 其實我之前連歌名都唔知. 但好記得佢果幾句獨白....又天光la....
真係又要同chi講聲多謝晒la.~
有d人唔知頭知路就選用《Je T'aime... Moi Non Plus》, 好似陳慧琳"海倫仙度絲"洗頭水廣告, 竟然囉左呢首做背景音樂, 不過冇咁顯眼, 要細心留意至知.
曾經去銅鑼灣Pokka Cafe食飯, 餐廳無端端播送《Je T'aime... Moi Non Plus》! 食客頭上Mon Amour... 血脈高漲, 但d人客肚仔餓, 邊個得閒理Jane Birkin欲仙欲死.
向70年代進發，李司棋、趙雅芝、狄波拉都「開過口」，收錄在影視雜錦碟；另，唱片版的《乘風破浪》有沒有趙雅芝唱呢？
Fun,
《大家Happy》邊年出架？我只找到一張EP《夢》。
大家happy應該係86或87年出架喎，要問問無累旅子..
趙雅芝有無唱過乘風破浪就唔知，不過就算無佢都有參與華星既《群星高唱》..
回應上面Anonymous：
原曲粵語改成國語的應該也有不少，例如：
"一見鍾情"(藍心湄)改自"一人有一個夢想"(黎瑞恩）
"約定"(周蕙)改自"約定"(王菲）
仲有一個數漏左tim!
劉天蘭 都係選美冠軍喎(美國華埠小姐,應該係1979年,但唔係好記得 San Francisco 定係 LA)
果首＜一千張吊床＞(仲有tvb個MV)幾好聽架!
by the way, 岑建勳都幾巴閉,兩個老婆都係選美冠軍!
劉天蘭係78年溫哥華華埠小姐冠軍, 佢家姐劉天梅係79年港姐入到前15名.
CHI應該加番1992年落選佳麗張玉華(同屈入選五強但落選有三級女星梁思敏)
唔知FUN有冇張玉華既大碟資料?
鄭婉雯小姐 可算是藝壇奇女子．．．
話說落選港姐後第二年走o左去影 PLAYBOY 露點封面 兼拍o左兩部艷情片 浮世風情繪(1987) 同 艷鬼凶靈(1988) - 叫艷情片因為當時未有三級制；之後佢有日突然返璞歸真以 小雲Look 出唱片，但好似冇乜 Airplay 所以都唔知歌曲走咩線？
之後一直浮於電影圈，大多做配角果亭。
中間好似拍過o下無記（？）
印象中最後一次響銀幕見到鄭小姐應該係 98年的 魑魅魍魎，做 黎耀祥 老婆。
值得提下o既係佢響一部叫 旺角大家姐(1997) o既戲入面唱埋主題曲 夜迷離 - 曲詞亦係由 鄭小姐 一手包辦（！）而此片亦係 陳奕迅 首部演出電影。
李玟「1991年代表學校參加美國妙齡小姐選美，勇奪后冠」，這是維基料。
Post a Comment