20年前的聖誕

黃凱芹 - Hello Merry X'Mas (1988)
作詞 : 黃凱芹 作曲 : 黃凱芹 編曲 : 杜自持
1988年12月25日港台聖誕特備節目現場演繹


忘記倪震吧，廿年前，周慧敏有個咪前情人，就是專扮憂鬱王子的黃凱芹，擁有八份一法國血統，聽起來幾有貴族feel，中文大學入讀藝術系再轉英文系畢業，嘩，好文藝呀，仲用筆名若愚幫Raidas寫了首《傾心》給玉女敏，當時她是陳德彰女友。

黃凱芹喜歡寫作，亦愛閱讀，1988年推出《短篇小說》大碟，第一cut是《日安憂鬱》，林夕寫詞，歌名來自法國女作家沙岡18歲的成名作《Bonjour Tristesse》(1954)，其他歌名仲有《青蔥歲月》、《世紀終曲》、《亡命愛情》、《五月過後》等文藝名字；1st plug《Hello, Merry X'mas》黃凱芹自己作曲寫詞，有情有景，雖然穩陣有餘驚喜不足，但點都係才子。之前數88年叱吒榜，這首傷感聖誕歌一直被達明的《今天應該很高興》壓住，但在港台中文歌曲龍虎榜就上到No.1 (1989年頭)。

祝各位聖誕快樂。