![](https://blogger.googleusercontent.com/img/b/R29vZ2xl/AVvXsEjm-IzlFnkGQsuvm9haiXP7P39MlWsL82q-2mVrLAMajMeVcl95RFaBv_oPzi45G5GzjSv7f7JucyuH_HwWDbLzcJ4LeYzNxAjIRdHjO6erJaNZMwKC3tR2DoYiPRdvN91NM_SU/s400/20070518+025.jpg)
她整晚換了幾個假髮,唱功好過上次《Sammi vs Sammi》,唱了好多快歌,跳了很多舞,medley新編曲好勁,她還癲了般fing頭,其中連續兩part跳舞部份緊連,合共連續10首快歌,突然令我醒起,近幾年出道的歌手,很少出產咁多快歌了;唯一是《愛情萬歲》失準較多。
選曲大多是華納最hit時期歌曲,華星歌相對較少,幸好她沒有不自量力唱《多得他》,別人的歌只唱了《赤子》、《抱擁這分鐘》和《紅綠燈》,意外地唱得唔差;拾級上半空唱聖詩《I Will Follow Him》,突然有神眷顧,有拍得住巨肺的表現。
開了大燈,「Thank you for coming to the Coliseum」都播埋,觀眾死螺encore,鄭秀文又出番來唱《我們的主題曲》。希望人們知道,此舉是由憶蓮迷在《夜色無邊2005》開創的,當時我也是嗌破喉嚨的其中一個。
![](https://blogger.googleusercontent.com/img/b/R29vZ2xl/AVvXsEjs91DDqIrPRwOf6aMNdrWJhQVhJZ8_wkT6F3X4eKFrgl8ld8MPIT3XStWSJQKyEBSMpneNMYWp_CnbKKnKFbNl2kiT4uUM6wN7oIDCXgXQ4msYleHCgz9gZghVzymZvuXHFAH8/s400/20070518+054.jpg)
![](https://blogger.googleusercontent.com/img/b/R29vZ2xl/AVvXsEi8Ic1H3zopPFFE_BtE1xv8HpR4gNLzPh2Dirutq71XaRoIl9RqhFGY0WYi_Ws-_GdQ0mGkbphwLWapkkA6LHiwW2sWnjdrsB0NK_vazpRs0nEuOeB0cY_W9Ne-zGX7tJxzBnND/s400/20070518+073.jpg)
![](https://blogger.googleusercontent.com/img/b/R29vZ2xl/AVvXsEg7QYS5uh3_M9VhZ-MJeKcJPa9PAV7t0fjKT0NUEgJkqFceJReYcVWiuL_-zl1NutGTVV8-DhVTViPExXzaYK9Z8k4ULU1ueS8eVTnUPUo0JjDQ_g4uN8oXeqJW451EVkISmAk3/s400/20070518+079.jpg)
![](https://blogger.googleusercontent.com/img/b/R29vZ2xl/AVvXsEgHAqv8WmvfbXwiLsj1VOZSIjqT3c0HLtJLjbjHjsKRdO4wad7DclM2HgvFa5Rr4TXayZ6fhDH_IcaurWmjC9uw9il17A7prl_P1PD-3nP8gHO_OFl9I0vzPsdp07dzLvnbo7UQ/s400/20070518+084.jpg)
![](https://blogger.googleusercontent.com/img/b/R29vZ2xl/AVvXsEiYXI39E7kaPSLN63czHHJb-VWGnkiowEX8VrzSAh5m_2oqO0h7_DBSkZpFLKjvIxba2JV9pgPhvyj73EOan1iGw6uWrvUtJ1p3YVcS_UJardoIXcByRqYuYoewiRjXmJprStsG/s400/20070518+093.jpg)
![](https://blogger.googleusercontent.com/img/b/R29vZ2xl/AVvXsEiMC_aglqJ-177t9ZelG7kuNmX2gFPDOVWQWw7g2EiDGBqKRQhdSrevBZopOfW-hdc4vO1O-ebbiZQNfr8hgl2AXBfQcxdNovbAyGFQbFD-XQdm08aRh4fzguHGsRCkRSCizJZs/s400/20070518+096.jpg)
唯一嘉賓林海峰,搞笑地合唱了《其實你心裡有沒有我》。
![](https://blogger.googleusercontent.com/img/b/R29vZ2xl/AVvXsEjeUxM7612LA7IxeOQEwlGgdvdRea2BF5eKn1-nnRe6doxKbObGJ1qaxJAhRCZFOBTOrCrYNTBO2GP9NJn8vPL4WqPFwanzJblLp5RPrg946Dwt9Q6EHBWRCAZ0aIyvs8C1o95C/s400/20070518+111.jpg)
![](https://blogger.googleusercontent.com/img/b/R29vZ2xl/AVvXsEhYGQCEnTKq0eDbL3zddOuxtpem9gfeXR4A_BCK43-WdJKiDCid7T-_FwSNvLxfUxuXrOJVdWcX1xXYA_D4pWTa1yuS441-VsE5l6d2PrpTN7HdPRaRJF0noyFSrGTxbaFU8xFr/s400/20070518+114.jpg)
開場前紅館外人群打蛇餅買碟和紀念品,蔚為奇觀。
![](https://blogger.googleusercontent.com/img/b/R29vZ2xl/AVvXsEgjKSF8GKGGKq9DQtxyQzVQpic6djxSOGQiJGsTtzIcsKCYwYdiqe1hIe0vPXri4KB-H6og9f61mHnwph9-XIAYatAIfY3WhTKnMZZQKWxrvJczgS-PLkH4tWKJhlBhyBL7HydE/s400/20070518+012.jpg)
12 comments:
淨睇相,
演唱會造形好突出,簡單但都好搶,終於打破紅館服裝宿命有個樣整個樣,唔駛整色整水…
奇怪!點解佢又會係「明周」話,唔會唱「其實你心理有沒有我」嘅????
琴晚我都有去睇~
佢為左今次個演唱會,真係好落力
個台既設計有點兒令我個人O左~
佢終於都唱CHOTTO等等啦!!哈XD
我都係睇頭場, 好正... 我好驚佢 fing 甩頭跳甩肺...
我唔知爆燈再 encore 係邊個創, 但我覺得, 呢 d 先叫真正 encore, 係無預備, 無背歌詞, 燈係開到大一大, 而唔係 set 定果 d encore 就叫做 encore...
今晚唱左多得她,仲要同鍾欣桐合唱
升上神檯果首係I Will Follow Him,個編曲照搬90年代初西片《修女也瘋狂》內的版本,都係有棚choir係度,都係開頭gospel突然變快。但sammi意外地唱得好好,佢今次真係落足力去做成個concert,meet甩晒以前果d交行貨既態度得。好好睇。(之前只係睇過01年shocking colors個次,悶爆,好唔掂)
慢歌我都覺得進步左,但快歌我就有保留,我昨晚睇,叮噹那Part 因為咪同耳機出問題,差唔多成 Part 冇唱,第二Part 快歌,跳到咁勁,竟然連大細聲的情況都冇,另我覺得佢夾口形,仲有,一味是咁亂Fing,真是唔明點駛晚晚排,
之前講到會跳到好勁,真是有些失望
公司同事睇完佢個show話,佢同鍾欣桐合唱個部分,似細路仔唱遊多啲,唱到似係幼兒園级數嘅「多得他」。我聽完同事咁講,不禁搖頭嘆息,唉,何必呢!
To快樂的,
唔該晒,改番《I Will Follow Him》了。
鄭秀文「參考」胡比高拔,蘋果可以又大字標題了。我覺得D衫不算抄襲,這類參考可以接受;Tomas Chan抄Biork,幫黃耀明臉上貼鑽,copy的味道就強得多。
我都係睇第二場
感覺佢吾止吾掂重好吾專業
第三part快歌medley第一首都未唱完
headset無聲然後重甩埋
好應該重唱啦
有乜理由成part齋跳吾唱先???
佢攞左工作人員俾佢支咪
都完全無意慾去唱
只係一味亂Fing亂跳
叫fans自已唱
真係越睇越把火
吾好同我講無左headset聽吾到音樂
夜色無邊第三晚Diva Medley咪一樣甩headset照唱
無論舞功或唱功
佢同阿梅、憶蓮完全吾同level
得罪講句
阿梅最後concert唱得都吾差過今次show mi
話時話
我都懷疑八首快歌medley夾口形
無可能無大細聲、無斗氣聲
".....幸好她沒有不自量力唱《多得他》,別人的歌只唱了《赤子》、《抱擁這分鐘》和《紅綠燈》,意外地唱得唔差;拾級上半空唱聖詩《I Will Follow Him》,突然有神眷顧,有拍得住巨肺的表現。"
You obviously disliked Sammi by writing these "bias" comments. Why bother to write a superficial report on the concert?
To anonymous,
This is my blog. Why can't I write anything I like or anything I dislike? You are entitled to any opinion too, which I would respect.
Post a Comment