麥潔文慢歌篇



我不知七月盂蘭過去了沒有,但記得幾個月前說過要寫一篇麥潔文慢歌 (快歌篇見另文),如果你呢排時運低,就不要聽這首《夜夜痴纏》,據說電台每次播完,都有怪事發生。

麥潔文 - 夜夜痴纏 (1984)
作曲 : 顧嘉煇 作詞 : 林振強
電影《靈氣迫人》主題曲,周潤發葉蒨文主演,主題曲應該比電影本身成功,起碼麥潔文開頭的假音氣聲一響起,現在仍能令人毛骨悚然。


麥潔文 - 簾捲西風 (舊版) (1981)
作詞 : 盧國沾
麥潔文一出道,簽了間叫做香泰統一的奀公司,聽落似米鋪,又像即食麵牌子,不知還有沒有其他歌手。她重唱吳香倫的《簾捲西風》,那是1979年的香港電台同名廣播劇主題曲,改編嚴泌的言情小說。原唱吳香倫的腔口帶著70年代時代曲味道,Kitman的版本已經加添了80年代感覺。


麥潔文 - 簾捲西風 (新版) (1990)
9年後,麥潔文加盟黎小田打理 (林建岳做老闆) 的世紀唱片,重新灌錄這首舊作,再注入90年代元素。


麥潔文 - 螳螂與我 (1983)
作曲 : 泰來 作詞 : 盧國沾
盧國沾當年提倡「非情歌運動」,《螳螂與我》是代表作,是一首抗戰歌曲,麥潔文在MV中扮走難村姑,造型不錯。但無奈「非情歌運動」如螳臂擋車,只留下一點歷史意義。


麥潔文 - 唐吉訶德 (1984)
作曲 : 宋遲 作詞 : 盧國沾
盧國沾另一首非情歌,寄意西方著名小說中的騎士主角,寫追尋夢想,其實麥潔文的舊歌題材頗廣泛。


麥潔文 - 黃金約會 (1984)
作曲 : 顧嘉煇 作詞 : 鄧偉雄
無線劇《黃金約會》主題曲,我略略記得劇情講趙雅芝、陳復生等人周圍追查黃金下落,片種都幾特別。麥潔文在MV中玩gold concept,金布刺眼,早過古巨基《勁歌金曲》好多。


麥潔文 - 斷 (1985)
作曲 : 徐日勤 作詞 : 林振強
麥潔文曾經有個慘歌系列,《斷》是第一炮,講失戀女子憤然斷髮,當年頗大迴響,其實又不是割手,當年的人都幾純情,GiGi後來都有首《短髮》啦。這首歌的續集是1986年的《亂》,是為第二炮。


麥潔文 - 沒哭聲的女子 (1988)
作曲 : 顧嘉煇 作詞 : 向雪懷
慘歌第三炮是《沒哭聲的女子》,阿梅的《無淚之女》異曲同工,《沒哭聲的女子》和《斷》差不多一樣咁hit。MV拍到用刀殺男要坐監,咁又激咗啲。


麥潔文 - 萊茵河之戀 (1983)
作曲 : 顧嘉煇 作詞 : 江羽
這首四拍三的華爾茲舞曲,是第一代的「出外景」流行曲,小學時我第一次聽,都頗能勾起我對歐遊的嚮往。


麥潔文 - 歲月無聲 (1989)
作曲 : 黃家駒 作詞 : 劉卓輝
89年她出新曲加精選,有黃家駒作曲的《歲月無聲》,我記得這首歌hur hur聲上到叱吒No.1,我和同學都嚇了一跳,因叱吒比較buy後生歌手,麥潔文呢種娘type,竟然俾佢上榜首,大家都覺得係俾面家駒,也有認為首歌講後六四的白色恐怖,因此得到商台支持。麥潔文用了較豪氣的唱法,也算有新鮮感,後來Beyond重新演繹這首歌,變回rock歌。阿Fun講起才知,這首歌是家駒參加「上海-巴黎流行曲創作比賽」的作品,但他的女友林楚麒憑《這就是愛》贏了冠軍。

14 comments:

Anonymous said...

I found 麥潔文's "trilogy" of 斷, 亂, and 迷亂 to be excellent slow songs. The three songs are rumored to be about 翁美玲.

Ogake said...

麥潔文的歌曲都幾有故事性,形象在那個年代都算前衛,但轉過幾間唱片公司,令佢既歌不能一次過出隻精選包晒。近年除左出番一隻翻唱碟,同埋鄧萃雯的"爭江華案"外,都無咩新聞出過。唔知佢有無諗過復出呢~

kenship said...

聽"萊茵河之戀"實在好舒服!簡簡單單就能夠將一種意境同情懷表達出來。

有好多舊歌(好似呢首)起呢個年代跟本就出唔到街。歌詞唔絕唔盡唔到肉唔抵死唔貼身貼地出唔到街,編曲唔複雜樂器音效唔夠多出唔到街。

缺乏"想像空間"同太"直接"可能係現代流行曲的通病。舊詞有一種平和、豁達是已經失落了的。

仲發現一句"河流像替我輕奏曼陀鈴",小弟深受林行止影響,對Mandolin甚為喜愛。聽到有舊歌提及,實在令人興奮!

Anonymous said...

i love connie a lot, but i really hate 萊茵河之戀 i think it is a very dull song.

Nakaaron said...

I love some of Kitman's old songs very much such as 萊茵河之戀, 唐吉訶德 and 簾捲西風. Felt that she sang fast songs better than slow songs. 路黑山高錫人夜and 眼看手勿動 she sang pretty good.

Wordy said...

我冇生活台,冇得求證,只記得《黃金約會》同《無冕天使》同時播出,同時結局,都只得 15 集,兩套劇都好看。

Fun said...

話時話你地記唔記得麥潔雯其實係77年港姐黎呢?佢入左15名不過跟住以健康為理由退選.. 後來79年kitman再參加無記既業餘歌唱大賽得左冠軍先正式踏入歌壇。

kitman當時都算ok受歡迎,每隻碟都有hit歌,過檔新藝寶之後仲上過下二線頭,不過因合約問題唔能夠配合宣傳而撻Q..

有無人記得響娛樂年代佢同溫兆倫有首合唱歌叫《別後願你記得我》?好聽架.. 講開合唱佢同哥歌既《It's My Miracle》都係我心水。

Anonymous said...

梗記得,五福星大碟內的.好聽.
無復黑過的.

其實佢同溫兆倫都仲有一隻合唱歌,叫
禁區邊緣.不過沒有出過碟.
好似是合約剛出問題的時候plug過一陣.

同Leslie合唱的歌多數都會好紅,
除了這隻Miracle

麥潔文好多 side cut 慢歌都好好聽.
難忘的你,歸去罷,不肯帶走,絕望...

"望星"是她的唯一曲,詞,唱包辦的.
她最近出席過一個雜錦演唱會,有無人看過呢?

Anonymous said...

Wasn't the 合約問題 with 娛樂? I don't remember Kitman having problem with 新藝寶.

Fun said...

sorri for the misunderstanding~

what i meant is kitman has prob with Crown but not Cinepoly.. i think Crown did 禁制 her to do promotion with Cinepoly~

Nakaaron said...

好想佢出一張全精選集。但我諗娛樂都吾會合作。

Anonymous said...

最鍾意kitman首迷亂, 林夕既歌詞超正,'撥動炭筆加深眼圈 賣弄着動人疲倦……' 同佢另一首作品絕望一樣, 寫得好有意境~

快歌首推眼看手勿動&搖擺我rock me,林振強既詞夠晒風趣~

Anonymous said...

一直覺得『萊茵河之戀』的輪舞曲調,同Doris Day的經典老歌『Que Sera Sera (Whatever will be, will be)』非常相像,另一「姊妹作」乎?!

Anonymous said...

買左麥潔文真經典成幾年都未真正聽過, 成日以為[斷]即係[亂], 即使聽番呢d歌俾人覺得[娘精], 都好過家陣既歌, 現今會有首歌令你有共鳴感動過嗎?