從頭認識 - 張立基 (○)


我沒有這張《急行夜車》,只是從網上下載,因上次寫「從頭認識 - 張立基 (一)」,其實是由他第二張大碟說起,所以補寫這篇「○」,講番他的處男大碟。

EMI一開齋想把張立基打造成日本偶像,因此給他改編大量架星快歌,造型亦模仿東洋風,化濃妝畫粗眉,可是不但唔受,他錄音經驗淺,唱《偷心者》得冠軍時還算有水準,一出唱片就荒腔走板,惹來一致劣評。

急行夜車 (1987)
作曲 : 不詳 作詞 : 盧永強 
第一主打,師妹甄楚倩在同年出的EP也有首《夢快車》,討好得多,她掌握快歌一開始已甚稱職,張立基常出現亂嗌的情況。


黑領呔 (1987)
作曲 : 不詳 作詞 : 潘偉源 
第二主打,阿Fun話係改編中山美穗,開頭大嗌「愛是真!黑領呔!」的確相當嚇人,部份節奏仲好似陳慧嫻《變變變》。


沒法子Lady (1987)
作曲 : 不詳 作詞 : 卡龍 
有點像他後期的黑人曲風,較有型的funky,但歌詞總聽不清楚,是不是唱「無謂扮作陳奕詩」?後面又無端端提及趙雅芝。


(1987)
作曲 : 不詳 作詞 : 陳嘉國 
幾首快歌歌詞都踩入西歌疆界,一開始「呀呀呀呀 呀呀呀呀呀呀」幾得意,但太多口語化就變成肉麻當有趣。


美人把戲 (1987)
作曲 : 秋元康 作詞 : 盧永強
最牙煙的歌詞是「沙灘因你扯起了紅旗」「鯊魚因你扯起了白旗」,扯旗呢d咁敏感的字眼,好易令人諗錯隔籬。


慢歌部份都好一般,因沒技巧亦欠感情,因此到他88年出《自焚》和《你好嗎?!》時,唱歌技巧可謂進步神速。

舊記憶 (1987)
作曲 : 不詳 作詞 : 陳浩賢 


默劇的主角 (1987)
作曲 : 關聖佑 作詞 : 陳浩賢 


酒樽裡的她 (1987)
作曲 : 徐日勤 作詞 : 古倩敏 


新一課 (1987)
作曲 : 不詳 作詞 : 區潔玲
 

愛的觸覺 (1987)
作曲 : 不詳 作詞 : 鄭國江

2 comments:

Fun said...

紫色唇彩&眼影,好爆!

個隻《呀》係改編田原俊彥架,原曲都係叫《呀》,死未?!

呢隻碟歌d真係好唔掂,又唱得衰,當時我以為佢會一碟玩完!估唔到第二隻EP有大進步~~

chi said...

最衰找不到黑膠大相,封面太小,看不清楚你講既紫色唇彩&眼影,其實那幾年莫鎮賢、杜德偉、蘇永康、羅文,甚至譚詠麟都搽唇彩眼影,激到用紫色就少d。