Unexpected的關淑怡


每位巨星最初都做過一些可笑的事情,最unexpected的關淑怡是和阮兆祥梁榮忠一起扮鬼扮馬,她似乎又玩得幾開心。

扮阿梅唱《烈燄紅唇》,打扮是幾位女歌手之中最認真的一位,雖然不是著硬殼衫,而是《慾望野獸街》的金髮短裙look,但都好投入咁摸身摸勢。




和她同樣是寶記之花的湯寶如扮甄妮,就認真把鬼,一點也不專業。之後眾人唱《昭君出塞》,邊扭腰邊唱《嘈住放假》,咁無聊的青春gag show,關淑怡都交足貨。Live可以頂一陣,希望她早前說08年12月出的錄音室大碟,快一點面世啦。

《暑假玩到盡》(1992)


另外幾位主持有張智霖許秋怡,他們那時應該在拍拖,袁靚靚還未介入。

4 comments:

Anonymous said...

chi:湯寶如當時(1992)還是出道不久,論扮嘢表現當然不及關淑怡,前者已算盡力吧。當然,關淑怡表演的認真態度是值得一讚。

Leo said...

哎吔返緊工都俾我上嚟睇到啲咁嘅野架又會!

關小姐唱《昭君》嗰下劍指又幾有專業精神架噃!

呢幾朝六點《我愛玫瑰園》撞正關小姐客串,加埋晚晚聽《鑽禧》,頂住先喇!至於隻廣東碟…

唔等到你頸長,嗰個都唔係關小姐喇!

wai said...

"暑假玩到儘"早排重播,我集集追架,雖然胡鬧咗d,但對我嚟講絕對值得懷念,因為又令我諗番起學生年代放暑假無憂無慮嘅美好時光!

不過我最鍾意扮選亞姐嗰part囉!

Ogake said...

扮亞姐,我都記得,"點解你個PatPat咁似西鈾" 笑到我甩麓~