叱吒樂壇流行榜1988 (第3周)


第三周冠軍是太極的《全人類高歌》(Terry又答對),88年是樂隊組合盛世,上星期是孖妹 (夢劇院自封Twin Daughters Of Different Mothers,後來決裂是另一回事),今個星期變成七子,叱吒30還有風雲 (升幅最高)、Fundamental、草蜢、達明一派 (2首上榜歌)、Beyond (2首上榜歌)、Blue Jeans,最有代表性的樂隊都差不多到齊。

因為計埋港台播放率,紀念RTHK 60年的《給我一千年》也上到榜,以示豁達,這首歌在友台肯定日播夜播,但在商台只上到榜尾28位 (下周bye bye),有個交代就算了。

1988年4月10日 (week 3)
今周 上周
01. 04. 全人類高歌 – 太極↑
02. 06. 塵緣 - 羅文↑
03. 10. 但願人長久 - 盧冠廷↑
04. 03. 想妳 - 張國榮↓
05. 07. 不見不散 - 譚詠麟↑
06. 01. 3/4日 – 夢劇院↓
07. 02. 半夢半醒 - 譚詠麟↓
08. 08. 無伴的舞 – 甄楚倩→
09. 13. 愛的兇手 - 張國榮↑
10. --- 長恨歌 - 風雲 [新上榜]
11. 07. 昨夜夢魂中 - 張學友↓
12. 12. Petula - Fundamental→
13. 06. 暫停開始過 - 草蜢↓
14. 15. 結伴同航 - 林子祥↑
15. --- 這是愛 - 夏韶聲 [新上榜]
16. 05. 假使真的可以 - 黃露儀↓
17. 19. 深夜裡 - 林子祥↓
18. 09. 煙雨凄迷 - 陳百強↓
19. 14. 酒店大堂 - 吳國敬↓
20. 16. 只此一晚 - 甄妮↓
21. 18. 今夜星光燦爛 - 達明一派↓
22. 11. 抹去界限線 - 麥潔雯↓
23. 17. 伴侶 - 黃凱芹↓
24. 20. 永遠冬天 - 林志美↓
25. 24. 神仙也移民 - 陳百強↓
26. 26. 赤紅熱血 - Beyond→
27. --- 你望我望 - 達明一派 [新上榜]
28. --- 給我一千年 - RTHK [新上榜]
29. 23. 說不出的未來 - 夏韶聲↓
30. --- 籮籮鬈 - Blue Jeans [新上榜]
----------------------------------
出榜歌曲 :
上周
21. 攝石人 - 林志美↓
22. 挑戰 - 黃敏華↓
25. 傻女 - 陳慧嫻 [新上榜]
29. 熱辣辣 - 張國榮↑
30. 舊日的足跡 - Beyond↓

‧第三星期的榜單標出上周樂迷投票十大,最活躍的是譚迷張迷丹尼迷,歌曲依次序是 : 1.半夢半醒、2.煙雨凄迷、3.想妳、4.深夜裡、5.酒店大堂、6.不羈戀人、7.熱辣辣、8.舊日的足跡、9.神仙也移民、10.今夜星光燦爛
‧最諷刺的是,樂迷投票10強中的3首已跌出榜外,榜上頭3位都不是樂迷最愛,證明普羅口味和DJ口味有差距,因此,投票十大只有本周標示出來,下星期便取消,以免造成尷尬。可見叱吒寧願站在領導位置,而不是反映大多數人的喜好。
‧《全人類高歌》並不算太極的上佳作品,但因叱吒捧band sound/原創/非情歌,種種因素下,令這首歌得到高播放率。(作詞的謙遊是因葵另一筆名)
‧記得下周榜首歌是哪一首嗎?

太極 - 全人類高歌 (1988)
作曲 : 太極樂隊 作詞 : 謙遊

21 comments:

william said...

計女歌手甄楚倩都第一, 可想而知當年重男興女=.=

ricky said...

> 28. --- 給我一千年 - RTHK [新上榜]
以事論事, 的確係幾公正 - 即使係 window-dressing.

LBST said...

沒有多大印象。
是否但願人長久下個星期第一?

差不多全部都是男歌星同 band/group 的天下。

Anonymous said...

已經不記得了,但估冠軍這個遊戲都幾好玩呀﹗看形勢,第三週的冠軍應該是盧冠廷的但願人長久﹗

8617838 said...

我都記得第三週既歌迷投票,不過當時無咩感覺,大個左先覺得DJ口味係唔係真既可以反映到市場既情況呢?
其實叱吒標榜既播放率凌駕于市場客觀口碑一直處于大眾既質疑中.所以我懷念當時Miusc bus既銷量榜.甚至各區既唱片商銷量.

尚記得第一年既叱吒係大家最關注既,麟伯既半夢半醒,水中花,不見不散都可以講係Massive Hit of the Year,阿旦宣布祝福
險勝半夢半醒一票攞歌曲大獎....商臺真係精確到好交關,如果麟伯當年唔宣布唔攞獎,又會唔會掉返轉險勝祝福一票呢?

好鐘意blog主D文章,如果有可能,希望有時間講下商臺前身商業電臺歌曲擂臺陣同唱片銷量龍虎榜.Thank U!!!

chi said...

中文歌曲擂台陣每周榜單我沒資料,79至86年尾的擂台獎 (大碟) 則轉載過 :

http://comebacktolove.blogspot.com/2006/09/79-86.html

因得獎規限較寬鬆,不以十大為限,因此競賽性較低,受注目程度亦不及港台/TVB,直至88年後才有改變。

Music Bus的榜是綜合三榜的,以歌曲為主,不是唱片銷量榜;各區唱片店銷量榜刊登在《新時代》,我亦沒有齊全資料。

8617838 said...

2K年有個統計叱吒樂壇流行榜歷年總成績.祝福上榜31週總分485名列第一(同每天愛妳多一些同分),睇嚟好歌還需要好歌名嚟襯托先會紅得長久.當年尼兩隻歌亦係多得個歌名成為點播熱門.至于質素係唔係甘上乘則見仁見智.88雷霆指數另外一隻Hit song張立基『妳好嗎』則位居第八.而88雷霆大熱阿麟既『半夢半醒』則前200位連影都唔見,最高係第14位89年既『情義兩心知』..乜『情義兩心知』Hit過『半夢半醒』咩?商臺係統計播放率方面真精確得嚟令人尋味.

chi said...

8617838 said : 2K年有個統計叱吒樂壇流行榜歷年總成績...

未必是官方數字,可信性有待考證,只可以作參考。

> 88雷霆指數另外一隻Hit song張立基『妳好嗎』則位居第八...

88年未有雷霆指數,1996年先分開903專業推介和雷霆歌曲播放指數,由1988年到1995年,商台只有叱吒樂壇流行榜。

Anonymous said...

8617838: 我都睇過果個列表...
因為我有份計既..哈哈....
祝福係第二...每天愛你多一些589分, 39星期排第一...
不過果個LIST D 位置係靠每星期位置
計算, 唔係實質播放數字...
而且我有某幾期既CHART漏左...
其實我仲差好少既位置.....
到齊既時候, 再計過...
我有千幾期既叱吒榜入晒電腦

88-93 有記錄低叱吒榜既人可以EMAIL我幫下手...88-93差既夾埋唔夠70個位置
laiwingnang@yahoo.ca

半夢半醒入唔到唔奇, 因為開榜果時半夢半醒已經PLUG左好耐...

仲有多謝阿CHI ...第二&三期既叱吒我漏左, 而家補返...

laiwingnang

8617838 said...

小弟經常習慣性將叱吒樂壇流行榜撈勻嚟講.多謝阿chi指正,真係好多謝妳係尼個blog度幫我地集體回憶少年時既美好記憶.請繼續,唔好停,支持妳!!!

p.s: 小弟記得Muisc bus入面應該係銷量榜.最齊一年係88年既Muisc bus.梅姐第一次大碟無成為銷量榜冠軍,因為撞正阿麟隻大碟『擁抱』.做左幾個禮拜跟班.而88全年麟伯『迷惑』+『擁抱』+『浪漫精選』攞左19個週冠軍...呵,以前真係好薯,唔知點解甘有精力去計尼D嘢...

Anonymous.我記得唔知聽過商臺邊位仁兄講過,話商臺歷史上有幾隻長壽歌/碟,包括學友同莎莉尼兩隻歌,仲有阿麟隻『忘不您』(尼隻應該係商臺既大碟榜).如果有時間,唔知可唔可以統計下88/89/90 既叱吒冠軍歌呢?

chi said...

8617838,

我翻閱過Music Bus,書的後部份有香港唱片榜,是和香港唱片商會合辦的,計算批發商、零售店的銷量資料,名額15個;書的前部份有香港新歌榜,計算播放率,他們有一個Music Bus Airplay Statistic System,有版權註冊,據說是叱吒榜的靈感啟發來源,Music Bus是一本有權威的音樂雜誌,我當時常看。

lauhohoi said...

8617838, 您好,是否有任何機會,我可以有你的Music Bus 88為最暢銷的album chart?

謝謝。

lauhohoi said...

我曾嘗試聯繫"香港唱片商會"但沒有成功。

我有他們的電話號碼和傳真號碼,並已到他們的辦公室,但沒有人。

Andrew said...

想問下夢妓院當年點解會決裂?
以小弟有限的印象所知, 當年李太要去讀書, 剩返扭紋一個繼續撈, 出左一兩隻精選之後就無下文了(正式決裂), 同時間扭紋開始出個人大碟 (定係之前已經有出過?)

Agnes Tse 艾麗絲謝 said...

記得當時劉文娟首先去日本留學交流一年, 得番李敏獨撐夢劇院. 到劉文娟番左黎, 又輪到李敏出國, 夢劇院再度one man show. 劉文娟聲稱唔知李敏下落, 仲話聽講李敏已經結左婚. 幾年後李敏又出山, 寫電影劇本, 開始做才女.

夢劇院得佢地是但一個企出黎都好尷尬. 我覺得係李敏唔想再玩.

Anonymous said...

8617838:
我唔知你想要咩資料...可以EMAIL我..
但除左祝福同每天愛你多一些, 叱吒榜其餘
最多週數既上榜歌都只係十幾個星期
愛過痛過亦願等, 你好嗎, 無奈那天 都係因為想捧某新人上位而狂播...當年只係一般HIT...


每天愛你多一些 03/02/1991 38星期
祝福 12/06/1988 31
愛過痛過亦願等 09/06/1991 19
妳好嗎? 26/06/1988 16
憑著愛 05/03/1989 16
你知道我在等你嗎? 14/01/1990 15
一生何求 16/04/1989 15
皇后大道東 16/12/1990 15
誰明浪子心 06/08/1989 14
無奈那天 15/10/1989 14
擦身情緣 17/06/1990 14
依然 17/09/1989 14
天變地變情不變 24/04/1988 14
一顆不變心 11/08/1991 14
阿郎戀曲 15/01/1989 14
千千闕歌 02/07/1989 14
但願人長久 03/04/1988 14
難得有情人 21/05/1989 14


當年叱吒只係計算港台+商台...好似93年左右先計埋91已經開台既新城
話就話係香港4 大電台合計, 但係其實咪係商台播歌多控制大局


8617838, 我見你話有88年既MUSIC BUS
我想要睇下88年四月之前既榜, 有無辦法幫忙?

8617838 said...

Thank u Anonymous,仲有,尋晚我睇到之後入雜物房搵尼D古董,暫時搵到最前係88年5月27,仲有6月3,6月10等幾期.妳要四月前,我搵到同妳E-MAIL聯系.尼個亦同樣回應lauhohoi.

Re: chi哥,係既,『音樂通信』86/87年Bestseller係叫香港唱片榜,88/89改名為香港大碟榜.仲有新歌榜,外文大碟榜,日文榜同跳舞榜.『新時代』有萬事發全港中外暢銷中外大碟榜.我亦沒有齊集.隨著樂壇極度"娛樂"化,打後由90年代起,我地已經好難見到甘專業既音樂雜志,真係好可惜!!

lauhohoi said...

您好,我的電子郵件: lauhohoi@hotmail.com ,我等待您的好消息

快樂的 said...

雖然給我一千年係港台歌曲,但幾好聽,當年我都好喜歡。港台後來的歌曲都沒有這種質素了,看看近幾年的太陽計劃歌曲難聽到呢...

Anonymous said...

其實個投票又唔係樣衰成咁, 問題係第三期登出既結果係來自第一期既投票....
果時"半夢半醒" "想你"都係一二位...
投票10大有半數歌當時都係10大裡面...
咁無可否認, 播放率係唔準確既指標..
我相信全人類高歌, 3/4 日都唔慌會係跟住幾期既樂迷 #1至愛...陳張譚三人FANS勁多, PLUG任何各都肯定有大量FANS投票..有大量FANS希望聽到偶像既歌聲, 但同時間普遍聽眾/DJ好多已經聽左幾個月聽到厭...所以電台播歌都要係兩方面作出平衡...不過事實3/4 日既HIT程度不足以成為冠軍...

lauhohoi said...

隨著樂壇極度"娛樂"化,打後由90年代起,我地已經好難見到甘專業既音樂雜志,真係好可惜!!

In 1993, there's IFPI chart.