1986年第一屆未來偶像準決賽

張立基
TVB辦到第五屆新秀, 亞視也唔執輸, 86年搞第一屆未來偶像爭霸戰, 自此亞視有自己發掘的歌手, 冠軍張立基, 準決賽參賽歌 : 英雄故事 (成龍), 又跳又唱, 87年在EMI旗下出碟.


黃敏華
巨肺腔, 黑人look, 參賽歌 : 我要, 同年她參加ABU唱"悟"一鳴驚人, 87年在EMI出唱片.


彭美鳳 (即唐韋琪)
參賽歌 : 再坐一會, 入不到總決賽. 她是歌唱比賽常客, 85年參加十九區, 即李克勤那屆, 敗後來亞視, 87年又入新秀, 都輸, 要等到92年才有碟出.


黃衍濛
參賽歌 : 明天會更好, 縮水成龍, 簽亞視做藝員, 也有拍戲, 不過無出過碟.


區耀國
一頭長髮, 狂野哨牙, rock底, 夏韶聲+吳國敬混合體, 參賽歌 : 空凳, 87年在EMI出了一張唱片"勁度Rock N Roll".


羅金榮
參賽歌 : 霧之戀, 佢入到總決賽但冇獎. 90年代做過樂隊"幕後玩家"主音, 後來主力街頭表演, 得老友黃子華賞識, 幫子華作"藍天"等歌.


林振強
難得有得睇林振強咁多close up, 仲有訪問, 雖然佢講野只是一句起, 兩句止, 已令劉天蘭笑到飛起, 他是當晚評判之一, 順帶一提, 同年新秀評判係佢家姐林燕妮.


司儀分兩組, 曾志偉拍黃韻詩, 歡樂今宵廖偉雄莊文清後來扮佢地, 另一組米雪拍張堅庭, 全晚沒有歌舞表演嘉賓, 無厘頭有梁家輝耍劍, 和董驃, 鄧碧雲棟篤笑.

1 comment:

Josh said...

咁啱早兩日都喺 Youtube 睇過吓呢條片,仲睇埋決賽添。原來入咗決賽後係可以轉歌,唔知你會唔會有另一篇寫決賽呢?
黃衍濛冇出個人大碟,不過 EMI 幫佢錄咗隻單曲,之唔係《明天會更好》獨唱版囉,呵呵!收錄咗喺 EMI 雜錦碟內。
另外,區耀國喺決賽時係剪短晒D頭髮,雖然少咗D個人特色,但順眼好多。