鄒靜 - Jessica (1993)

主打歌:我愛夏日長、不捨的眷戀
鄒靜是一些歌迷的夏日女神,因為她有一首西歌金曲《我愛夏日長》,aka《我愛下面長》,每年夏天都有人鍾意煲一煲這首歌。鄒靜唱歌之前是TVB藝員,煲開無記劇的觀眾會認識她,在一些gag show如《笑星救地球》都有她的演出,如扮靚女,她亦有在MV如91年黃翊《最愛的妳》中演出。鄒靜來自內地,那時香港人對北方姑娘有一種特別的遐想,鄒靜、張延 (華南理工訓練班女藝員) 、曹眾 (六叔愛將),這些兩字女星,在香港觀眾眼中都差不多。直至鄒靜簽新藝寶出碟,成了王菲師妹,感覺就開始有點不同,有人話陳慧琳初出道時似佢,看官自己判斷了。鄒靜首張大碟第一主打是快歌《我愛夏日長》,填詞的因葵說, 寫《我愛夏日長》時,他其實想寫《我愛下面長》,因葵文筆啜核鬼馬,仲參加過亞視港男,寫出「燃燒我溶解我」,獲cult界熱捧,MV有半裸猛男將鄒靜抬來抬去,一齊玩水潑水,又有將男dancers逐個推落水的typical女神鏡頭,睇得人好開心;《我愛夏日長》由小飛俠蘇德華作曲編曲,他是已解散的Blue Jeans樂隊成員、出色結他手,編曲和彈奏比較多,作曲比較少,比較出名的派台作品要數89年梅艷芳《夏日戀人》,又係夏日,幾咁巧合,《鄒靜》碟內同時收錄《我愛夏日長》(Hawaii Mix)。第二主打《不捨的眷戀》徐日勤作曲編曲,鄒靜的發音值得細細咀嚼。鄒靜只出了兩張廣東碟,她沒出碟後仍有拍無綫劇,據聞後來在上海嫁了人退出娛樂圈。

No comments: