一碟歌手 (1) 劉祖兒



劉祖兒 - 喜歡我 (1990)
作曲 : 梁翹柏 作詞 : 薜一心 編曲 : 梁翹柏


竟然在超唔關事的《香港倒後鏡》看到劉祖兒的MV,那集是介紹香港南區掌故,劉祖兒要在淺水灣、赤柱行行企企,宣傳他的《喜歡我》,當年幾鍾意這首歌,清簡的結他伴奏,本應很適合《輕談淺唱不夜天》播,但很少DJ識貨,近年未曾聽過電台播。追查一下資料,原來是梁翹柏作曲,「友禾才子」薛一心作詞,以前常常在《100分》看他的專欄,Sit One Heart,最有印象他執筆讚憶蓮 (我有段時間懷疑薛一心是魏達深)... 以下是這首歌的足本 :

劉祖兒 - 喜歡我 (1990)
作曲 : 梁翹柏 作詞 : 薜一心 編曲 : 梁翹柏


劉祖兒有什麼特別?據我當時所知,他原本是畫漫畫的,後來有機會出碟,under一間叫做青木的獨立label,很多人奇怪,為何有公司大灑金錢捧一個不賣樣的歌手,叱吒903亦有熱播,但他很少上電視,所以我從未見過他的清晰樣貌,只能在唱片封面看到他的大側面。

那張黑膠碟甚講究包裝,坊間意見是出奇地揼本,例如有個PVC膠套包住封套,好似話內有他的漫畫作品,ebay仲有人拍賣 :



碟內第2 plug是劉以達 + 林夕的《末代畢業生》,當時CR2都播得好行。

劉祖兒 - 末代畢業生 (1990)
作曲 : 劉以達 作詞 : 林夕


劉祖兒一碟bye bye,在歷年樂壇新人蒸發實錄中,屬於下落不明系。最近在網上搜尋,原來他有個blog,他和王靖雯、草蜢、Echo一起影過《100分》封面,開過一個mini concert。

http://hk.myblog.yahoo.com/jw!P5olec.YHx4SKYioLaDr/article?mid=2087

再看下去,他這樣寫自己在樂壇的經歷 :

「我前後出現左年幾之嘛, 唔記得又有幾出奇丫! 我既"成名作"係梁翹柏作既"喜歡我"同劉以達曲,林夕詞既"末代畢業生", 先後分別得過商台歌曲流行榜既NO:2同NO:5, 好開心架當時! 跟住就........"被逼"劈炮唔LO LAR! :)」

Imeem上可以聽到整張唱片的歌,好像是他自己上載的 :
《劉祖兒》全碟
http://www.imeem.com/tag/%u5289%u7956%u5152/

原來他曾打算出第2張唱片,已經派了歌,是改編陳淑樺、李宗盛的《你走你的路》,個女歌手叫做羅加慧,唔係前商台女公關羅嘉慧0卦?好驚喎。

劉祖兒 + 羅加慧 - 你走你的路 (1990)
作曲 : 李宗盛 作詞 : 陳少琪


最後加送我上載的《喜歡我》(夜闌人靜版),不太聽得出和原版有什麼分別 :


10 comments:

m said...

香港倒後鏡 (經典台播的是第二輯) d mv 都好經典, 我記得有 sammi ~

ebay 賣得都幾貴, 之前在二手店見過應該唔使200

chi said...

m,

林夕有一篇文章也叫《末代畢業生》,輯錄在《盛世邊緣》的《現世》部份,和劉祖兒的唱片一樣1990年出版。他寫道 : 「末代畢業生成了歷史新生,一夜間多了很多從未學過的必修科目。」說的是移民潮話題。

lemon tree said...

提到「友禾才子」薛一心,想起友禾當年出版過一系列廣播人叢書,應該算很早將本地DJ文化,帶入出版圈的佼佼者。當時自己有買過陳海琪寫的兩本散文集:《不再寂寞》和《夜傾情1990》(與黃凱芹合著)。記得友禾亦曾替鄭丹瑞、林姍姍、何嘉麗、黃志淙、郭啟華、魏綺清、張麗瑾等DJ,出版過pocket-sized books。

m said...

thx chi, 我都知有果篇文~

btw, 請問有無今年十大中文金曲的場刊? 因坐看台位無派, 有無金針獎介紹呢? 麻煩可否 scan? thx!!

man_love said...

睇劉祖兒個blog,見到佢而家個樣.....19年,都算係咁啦 !
0個間青木獨立label,聞說老闆其實就係黃安迪(星座小王子)同薛一心,即係友禾自己出錢捧人囉!!又聞說劉祖兒之所以有得出碟 ,係因為那時他和星座小王子屬好朋友關係....友禾才子為幫老友小王子, 梗係出心又出手填詞啦!!
0個時薛一心成日寫憶蓮,次次我都有剪低.....友禾不歡而散之後,加埋一百分摺左 ,就好似無見過佢再寫野!!!好想知佢而家點喎!!!

Manhattan said...

魏達深係咪執筆寫壹周刊"人間昆蟲記"果位?thanks.

chi said...

正是。

zm said...

我知道祖兒佢而家搞出版~係某本兒童雜誌的老細呢~

Anonymous said...

可否重新上載劉祖兒-喜歡我mv..THANKs

Anonymous said...

好想睇返80年代劉祖兒mv..有無人可以上載or Youtube or有其他link 睇睇..THANKS~
全碟好多80年代樂隊作曲.."末代畢業生","追尋"作曲達明-劉以達,"喜歡我","傷心"作曲浮世繪-梁翹柏,"一生"作曲浮世繪/BEYOND-劉志遠,"放肆"作曲太極,"我心傷透"作曲草蜢-蔡一智,蘇志威..