王菲 風的季節第二波

王靖雯 - 季候風 (1993)
作曲 : 陳小霞 作詞 : 潘源良 編曲 : Richard Yuen


王靖雯的「風系列」有三波,92年《浪漫風暴》之後,93年頭有《季候風》,夏天仲有首《如風》。我覺得《季候風》平淡過《浪漫風暴》,《如風》最悶,比《容易受傷的女人》更甚,但因流行程度不同,被嫌棄的命運各異,03年的《菲比尋常演唱會》有唱《如風》,其他兩首則沒有在94年後的live出現過。

上面這個live是我錄的93年第一季季選 (如無記錯),王靖雯輕聲現場演繹,幾乎令人以為是播碟,舉重若輕。最有趣的畫面是fans從背後走前送花,把她嚇了一跳,王菲幾時都是這樣真性情,她面對觀眾的不自在,包括在欣賞她唱live的套餐之中。

這段錄影再次證實王菲/靖雯在93年的過渡期,當時粉絲都是對她喊「王菲」,而電視台仍用王靖雯這官方名字。

《季候風》是《執迷不悔》大碟2nd plug,乲前是CY名牌快歌《不再兒嬉》,第3主打才是title song《執迷不悔》。《季候風》MV沿用傳統型男配美女拍法,男角是林偉。

王靖雯 - 季候風 MV (1993)


這段期間,王菲偏向改編台灣抒情歌,其實比之前更保守,我比較鍾意她改黑人R&B,同樣來自《執迷不悔》的《紅粉菲菲》和《可愛眼睛》就好玩得多。《天與地》是張宇《用心良苦》,《如風》是萬芳《猜心》,《季候風》則是這首 :

張瓊瑤 - 有一天我會 (1991)
作曲 : 陳小霞 作詞 : 楊立德
原唱不是賣靚聲,有少少中性沙啞。張瓊瑤88年簽約齊秦的「虹」工作室,與陶晶瑩同門,89年齊秦為她製作首張專輯《糖罐子》,91年推出《有一天我會》,92年出《你喜歡的會有幾個》,總共只出過3張唱片,之後結婚生子退出。


飛圖的口水歌影碟中,有林帆翻唱《季候風》,她略帶鄉音的唱腔,不是刻意扮王靖雯,但有幾分影子。

林帆 - 季候風

19 comments:

WTK said...

十分清晰呢的video
好奇怪為何現今無線的音響這麼差,每次無線有歌手唱歌我都要調高音量,
聲音都進不了咪高風中。
現今的音響比起十多年前還要差?
還是王菲唱得好?

m said...

記得當年睇八卦雜誌, 佢自己都唔多鍾意"季候風"呢隻歌, 唱片公司揀嘛, 果然一聽之下, 悶~

Old Ox said...

王靖雯還有一首風歌"Kisses in the Wind", 收錄在受傷女人那專集. 在94年底的"王菲快樂聖誕演唱"會, 王菲演繹由這四首風歌串成的"風雞尾歌".

Anonymous said...

我都覺而家無線的現場節目音響好差。唔通同cut cost有關?同埋同一水平,廣告的時候好大聲,節目時好細聲。唔知係咪特登調較成咁?如果係既話,都幾無謂和乞人憎!

史丹利五 said...

真係唔係播碟?唔係咪咀?

我都搞唔清係咪,因為真係唱得好好,同播碟幾乎一樣,一句一字都無甩。

chi said...

關鍵係佢唱錯左歌詞,music break後「吹得格外兇」,她唱了「那樣兇」,比較番MV正確歌詞就知。另外臨結尾一段「茫茫然」低音入得不好,聽得出係live,整體幾乎完美。

John To said...

多謝分享, 但想更正一點, 季候風應該係第二PLUG, 不再兒嬉先至係第一PLUG... 另外, 我記得佢有一次上勁歌(定係第二季季選?)唱執迷, 係咪咀嘅, 仲有一句CHORUS遲咗好多先夾口形, 所以好覺! 唔知大家有冇印象呢?

ricky said...

我反而特別喜歡《從明日開始》(有無plug過?)
Faye清脆的嗓子加上輕爵士樂的編曲,濃濃的怨。

Anonymous said...

我反而係最中意嗰首(我永珍惜你我)



by檸檬茶

wtk said...

youtube見過王菲唱《精彩》咪嘴,不過佢都咪得好求其,唔岩嘴形都照咪,個樣一萬個不願意似的,我覺得佢係特登咪得咁求其的,等人知道佢係唔想的..
《季候風》,《如風》,《尾班車》呢d歌偶然聽下會覺得唔錯,幾順耳,翻聽多幾次就會覺得乏味同空洞,好似食m記咁。《浪漫風暴》好少少咁,似大快活高級少少(好怪的比喻)

Lonely Panda said...

我都記得係先派"不再兒嬉"再派"季候風"(商台).
但我印象中有樣野係好怪的,就係商台先plug"不再兒嬉",一派台就吒o它榜兩星期冠軍,然後下星期即刻跌出左十大,再然後就到"季候風"上榜...到"季候風"幾個星期後走左出榜了,"不再兒嬉"又上番榜一輪...
我不太肯定自己有無記錯,煩請指正.

chi said...

謝謝謝謝指正,改番內文0勒。

m said...

講起唱錯歌詞, "償還"明明有段係"才情願", 但佢成日照唱"才如願"

Anonymous said...

唱錯歌詞仲有"多得他",將"弱質纖纖"唱成"肉質纖纖",仲有"約定",把"旋律的伏線"唱成"旋律的埠線",都係錄音室版本,好似係一take過錄好,唱錯字都唔知。

comeassandy said...

I remember SL once said in magazine she liked this song.

andy said...

這個應該不是季選,只是一次93年勁歌的live,因為季選那video我反而有,她著黑色喱士套裝的,同年與張曼玉金像獎撞衫。

對,這個是100%live來的。她的live一向都是好多變化的,她因應那天的心情、狀態而唱出她那天的情緒。

如果她那天心情不好,可以完全唱到走樣,尤其94以後的live。所以你可以說她不是一個專業歌手。

她98年後強調,唱live唱到CD那樣是沒有意思的,她不會重覆。

我不知道SL喜歡這首歌,只知道張曼玉很喜歡同碟的執迷不悔,而王靖雯93年以前卻最喜歡自己的Kisses in the wind.

感謝分享。

andy said...

再補充,她是成日唱錯歌詞的。

有次林夕在商台接受訪問說,(意思大概)有次他當面詬病王菲成日唱錯他寫的歌詞,如暗湧的煩"囂"城中,王菲一副漫不經心說:哬,係咩?然後又繼續她自己的世界。

林夕還模倣她的反應,好好笑。

還是那句,她不是一個專業的歌手。

Anonymous said...
This comment has been removed by a blog administrator.
Anonymous said...

@LonelyPanda:

有關<不再兒嬉>的上榜怪事:

我記得<不再兒嬉>應該1992年11月派台的,還要很快打入叱咤三甲.當時<容易受傷的女人>仲係榜尾未落榜.
點知果期TVB大時代36集,片尾藍潔瑛最後果一幕,足本插播晒全首<容易受傷的女人>.怪事就發生了.隻歌果個禮拜立即彈返上高位.仲要一路播到攞到全年最高播放率既奬.

派緊台既<不再兒嬉>就相反被急煞,立即沉到榜尾,吊鹽水咁吊到頒奬禮之後.電台先再播返,所以果2星期的叱咤冠軍是1993年1月.

之後的怪事,即登上冠軍後便立即落榜的原因,我相信係新藝寶果陣想跟著<容易受傷的女人>的歌路,偏偏跟<不再兒嬉>跟這類快板歌完全相反,所以又急變陣要谷電台播<季侯風>。緊接住派台,一上榜,便上了叱咤冠軍。

真可惜,<不再兒嬉>算是她第一首快板歌,之後就只有<流非飛>,其實她唱這類歌比她現在那些,還要好聽。