草蜢 - 捨不得的感覺 (1992)

主打歌：再見Rainy Days
92年底推出的草蜢新曲+精選，舊歌有不少side track，中慢板歌為主，反而大熱快歌如《忘情森巴舞》等沒有收錄，展示草蜢另一面的品味。新歌《再見Rainy Days》改編80年代初名曲Gazebo《I Like Chopin》，那時的歌迷一定識「傢俬舖」《我愛蕭邦》，意大利的士高名作，有型有款的代表，84年譚詠麟改編為《我愛雀斑》，林敏驄填詞，比較搞笑；92年底草蜢再次改編，《再見Rainy Days》蔡一智填詞，編曲變為90年代跳舞節奏，沒有舊的感覺。有某幾首歌之間嘅空隙位，加咗啲迷你劇場落去。如《流淚的背影》之前係講蔡一傑打電話上 call 台留言比佢女朋友，但佢女朋友係女強人，經常都覆唔到 call，而蔡一傑正準備搭飛機走……《夜雨》之前就係佢三個臨瞓講晚安。《捨不得的感覺》封面用三人的人像畫，據說先拍照片，再找畫師跟著照片繪畫，奚仲文負責美術，好認真好靚，內頁有各自的頭像。