事發在1988年2月3日香港電台十大中文金曲頒獎禮接近尾聲, 譚詠麟領取IFPI大獎之後, IFPI大獎即是全年金曲最多的歌手獎, Alan唱完"玩出火", 就說了以下一番話 :
"今日而家呢個時間我想同大家講幾句說話, 呢兩晚, 我又收到好多獎, 令到我心情興奮緊張刺激感動, 今年我拿好多獎, 特別多大獎, 亦都特別多是非, 呢D獎品令我得到好多啟示, 亦都睇清楚好多野, 所以我對今次拿的獎特別珍惜, 今年我拿的獎將會係, 我話俾大家聽, 係我在樂壇最後的一次, 在黎緊的日子入面, 我決定左唔再參加任何有音樂同歌曲比賽的節目, (台下大叫"唔好呀!") 唔代表我退休 (台下 : "唔好呀!") 我諗我唔捨得你地, 你地都未咁快叫我退休住, 我覺得呢幾年所有獎品對我係重要, 但對第二D人, 新既人, 仲更加重要, 在黎緊日子, 我希望有更多新人, 更多新歌, 新的好野, 新的衝擊帶來俾香港樂壇, 希望你地大家同我心情一樣, 黎緊的日子會了解我, 亦諒解我, 你地俾我的獎, 最大的獎, 唔係任何一個獎, 只係你地日後仲支持我的掌聲同鼓勵就夠, 呢D獎我係永遠永遠會擺係心入面, 多謝你地. (跟住起音樂唱"無言感激")
No comments:
Post a Comment