80年代樂壇新人蒸發實錄

新人定義是第一次推出個人廣東唱片.
1980
陳秀雯 - 初時係麗的花旦,唱過震盪樂壇的快歌,肥師奶後來做戲居多。
蔡楓華 - 早期以白馬王子姿態走紅,上過一線,主持勁歌時講錯野,事業大起大跌,引起頗大爭議,近年復出。
夏韶聲 - 早年夾band,後做solo歌手,被喻為搖滾之父,娶過好多個老婆,最近講下UFO,又錄下發燒碟。
柳影紅 - 原本唱大戲,唱流行曲勁重鼻音同大戲腔,無出碟都成日在亞視節目唱歌。
鍾鎮濤 - 溫拿解散後到台灣拍戲,然後回港出個人大碟,上到一線,娶了章小姐後受牽累,破過產,現時不斷有唱, 同范姜生的囡囡都想入行咁滯.
葉振棠 - 成熟新人,七十年代是New Top Notes樂隊主音,和Miss Chan Chan拍住唱,後來兩人都轉唱廣東歌,莊尼葉擁有大量電視劇主題曲,與葉麗儀稱為孖葉。呢期開過個唱,除了有老婆仲有個紅顏知己(一五年病逝)。
珊珊(呂珊)- 靚妹時在荔園賣唱,與阿梅同期,先用藝名珊珊出碟,80年代中改名呂珊再做新人。近年常拍劇做阿媽又開騷出碟。
威鎮樂隊 - 出碟不多,成員有威利(馮偉林),後來單飛;馮鏡輝,做過林憶蓮等的唱片監製,亦是已故DJ歌手蔡齡齡的丈夫。其他成員有Ricky, Tony, 阿友.
陳儀馨 - 做趣劇阿妙做到出碟,後來嫁給馬拉拿督,已病故。
張偉文 - 出過幾張碟後,做了和音領班,後來又開了多場唱好男人懷舊騷,被稱為男版肥媽。
黃允財 - 都是拍劇拍到出碟,近年做過中醫,改名黃韻材,現時密密返內地登台及為老人慈善表演。
黃杏秀 - 阿叻嫂都出過碟,一隻咁多,有首西歌經典《一條冷頸巾》,歌喉帶強烈粵曲腔,聽時要戴冷頸巾。
陳迪匡 - 首本名曲《傷心的小鸚鵡》,鄭中基都翻唱,唱作人兼製作人,細佬陳德彰,十年八年前兩人有一起復出開騷。

1981
陳美玲 - Pat Chan,常與陳美齡Agnes Chan搞亂,去外國讀完大學回來就《欲斷難斷》,之後又退出,近年兩次回流。
彭健新 - 七十年代是溫拿成員,八一年出個人大碟,近年多以溫拿成員身份唱歌,較出名的反而是佢已故愛犬OK仔。
麥潔文 - 退選港姐, 曾在娛樂唱片做出好成績, 但鬧出官司, 做過"勁舞Dancing Queen", 嫁了江華後做歌唱老師, 近年帶埋個女入行.
葉德嫻 - 六九年已出過國語EP,八十年代先出首張粵語碟,後來成就不止diva咁簡單,仲係國際影后,近年唱歌支持黃傘。
林嘉寶 - 林子祥堂妹,走高檔品味路線,出碟不多,近年資料不詳。
威利 - 又名馮偉林,由威鎮樂隊單飛出來,唱不少劇集歌,近年常見於懷舊音樂會,正職在美國及香港做生意,又有拍劇同朱咪咪耍花槍。
雷安娜 - 該年超級新人,《舊夢不須記》hit爆,80年代尾移民後,周不時往返加港。
張明敏 - 明明係香港人,主攻愛國歌,唱普通話,做了民建聯成員兼人大。
杜麗莎 - 細細個就唱英文歌登台,不過要到八十年代才出廣東碟,多年來在樂壇出出入入,近年算活躍,連女兒也入行。
曾路得 - 起初是DJ歌手,《6 Pair半》已有首《天各一方》大hit,天籟美聲由唱片界去到做歌唱老師,近年做埋電視歌唱比賽評判。
余安安 - 麗的花旦,拍戲拍到出碟,代表作《靚妹仔》主題曲。後來嫁過俾周潤發和李萬祺,做波后,近期回歸樂壇開九唔搭八女神演唱會。
盧業瑂 - 都係6 Pair半DJ歌手,主攻民歌,重量級歌手,常被認錯做曾路得或俞琤。已移民加國做DJ多年。

1982
蔡國權 - 實力派唱作歌手,又懂監製,不幸遇上交通意外,需要群星籌錢幫助。
夏妙然 - Miu Miu是早年DJ歌手,只玩票出過一兩張碟,在港台打政府工多年。
何家勁 - 麗的男神,亞洲西城秀樹,唱歌把聲和後來的郭富城相似;九幾年做展昭翻紅再出碟,而家在內地賺人仔。
景黛音 - 建寧公主好早出過碟,走沉聲低音路線,又同梅艷芳一齊拍劇唱歌。好似話嫁左演唱會監製楊建恩後做少奶奶,近年現身變美魔女。
鄧惠欣 - 出過民歌feel個人大碟,曾是第二代小島成員,後來主力唱福音歌、推廣民歌,近年是任職教院的鄧博士。
張天愛 - 實際上是名媛,歌喉可怖,出過《大個女》大碟及與鄭少秋作港姐表演。經歷數次婚姻,前夫包括Esprit老闆邢李㷧、大律師胡漢清及王敏德個阿哥羅素。
湯正川 - 6 pair半時代已有歌,82年和黃綺加以情侶檔出《尋知己》頗hit,他由電台做到華星高層,又有填詞,最近再現於數碼電台。

1983
蔡琴 - 香港電台十大中文金曲第一屆新人獎得主。現為發燒碟天后。
梅艷芳 - 已故歌后。
黃綺加 - 下落不明。佢同湯正川張合輯有白金銷量,首《尋知己》hit架~
鮑翠薇 - 紅豆沙姐姐做緊保險。
蔣麗萍 - 富家小姐相夫教子唱聖詩, 家姐蔣麗芸而家出名過佢。
林志美 - 近十年出過靚聲碟,開康文署香港巡迴演唱會,音樂劇《星光大道》及演藝學院個唱, 頗活躍。
盧冠廷 - 呀蝦我要飛往天上,多年來備受推崇的唱作人,九幾年收山,變身環保大使,近十年開過個唱及出發燒碟。

1984
陳慧嫻 - 十大中文金曲第二屆新人獎得主。隔幾年come back一次,07年和醫生男友分手,重返樂壇, 現活躍.
呂方 - 新人獎候選八強。07年復出,與Do姐散左後多次紅館開騷。
林珊珊 - 新人獎候選八強。做經理人,07年帶住伊健草蜢離開BMA,另起爐灶。07年尾替鄭丹瑞小男人舞台劇唱主題曲《Kiss Me Goodbye》。現為東亞唱片高層.
張國強 - 新人獎候選八強。冇諗過他是樂壇一份子,抓頭。參賽歌係《黑色機械人》,係兒歌黎架~ 可能因為是穿梭機機長, 現常於TVB演中年角色.
小虎隊 - 新人獎候選八強。好快解散,林利改名林立洋,在台灣紅過,後來做過服務生、健身室經理、開過葡撻店,07年有人在北角某新開的茶餐廳碰見他做侍應,09年《學警狙擊》重現TVB;孫明光做設計師;胡渭康重返娛圈,曾重組小虎隊, 可惜孫明光變左脹版蔣慶龍。
張南雁 - 新人獎候選八強。看《神女有心》時見她做念奴居上其中一個妓女,原來後來做歌星,現下落不明。
李麗蕊 - 新人獎候選八強。DJ,一年一度在新城頒獎禮wow wow叫。亦有在亞視主持節目。08年頭新城大改革不獲續約。
王雅文 - 新人獎候選八強。07年於港台仲有做DJ。
葉蒨文 - 唔知是否因在台灣出過碟,沒有角逐新人獎。現打羽毛球多過唱歌。
黎芷珊 - 十幾年由《城巿追擊》做到《東張西望》,專用來訪問鄭伊健 (或陳慧嫻)。現升呢為星級主持人.
陳樂敏 - 唔唱歌之後應該係去左做過一輪4As agency.. 好似係J記..
蟬 - 獨立樂隊,自資出版《大路上》,成員馮禮慈、許素瑩、譚國偉、彭滿圓,馮禮慈現為資深樂評人,許素瑩是新浪潮電影《半邊人》主角,和馮禮慈結左婚,好似有兩個女,一家經常在跑馬地出沒。佢有個blog。其他不詳。
黑鳥 - 獨立樂隊,自資出版《東方紅/給九七代》盒帶,成員郭達年、咭式,一直活躍於地下樂界,07年將84至04年七張專集輯成《黑鳥全集》Bag Set。

1985
張學友 - 十大中文金曲第三屆新人獎首次增設的金獎得主。活躍。
何嘉麗 - 十大中文金曲第三屆新人獎首次增設的銀獎得主。曾為九巴企業傳訊經理,近年同阿媽鍾意join蔡瀾帶隊嘅豪華美食高級鴨仔團,蔡瀾響專欄提及。現重返港台做DJ.
鄺美雲 - 十大中文金曲第三屆新人獎首次增設的銅獎得主。正職富婆、設計珠寶,副業拜佛、玩狗。做內地政協, 抗戰70年紀念開擦鞋騷.
劉德華 - 新人8強。活躍。
林憶蓮 - 差不多年年有碟出,但仍常被形容久休復出。與恭碩良姊弟戀.
小島 - 第一代黎允文、區新明、黃守發,黎允文做電影配樂和舞台劇音樂總監,區新明移民加拿大,07年傳加盟商台,結果入了新城,黃守發不詳;第二代黎允文、鄧惠欣、何日君,鄧惠欣做了博士,在教育學院擔任「教育政策與行政學系高級專任導師」,仲有唱民歌/聖詩,何日君不知。第三代加入孫偉明 (長期於幕後工作,包括陳奕迅《What's Going On》)、岑德衛 (前浮世繪成員);第四代黎允文改名Island一人樂隊,92年推出一張唱片。
鄧麗盈 - 無消息。
周啟生 - 曾在TVB的懷舊歌曲節目做音樂總監。因疏忽照顧兒子曾上港聞.
開心少女組 - Cookies的元祖,人數及成員會變。羅美薇潛心做張太,07年被封為賓妹公敵;陳加玲間中出現於娛樂版;袁潔瑩被厭食症困擾,但仍做到豐胸代言人;何佩兒在facebook可以見到近照, 但近況不清楚;林穎嫻據報章報導喺美國做會計師,嫁咗 (好似話老公係鬼佬),前幾年做過港姐決賽嘉賓後,被張玉珊睇中做修身堂代言人。
花本蘭 - 命運女神做了兒童藝術協會總監。
李中浩 - 最紅的只是半首歌 (和梅艷芳合唱《邁向新一天》),現狀不明。早年曾經響銅鑼灣既伊莉沙伯大廈開過boutique...有粉絲話佢因意外已經「唔晌度」,唔知有幾真。
孟素伶 - 孟海個妹,其他不詳。
吳夏萍 - 做過富太,已離婚,活躍於慧妍雅集,畫國畫拍賣籌款,女兒是馬術運動代表。
皇妃樂隊 - 半獨立樂隊,唯一專集《Lady Diana》內有性愛題材,曾遭禁播,主腦安格斯是經理人,發掘陳慧嫻、黎瑞恩等。另一位成員Jim Lee李振權是唱片監製. 另外兩位成員是林志楊及Melchior Sarreal.

1986
太極 - 十大中文金曲新人獎金獎得主。雷有曜、雷有輝、盛旦華、鄧建明、朱翰博、劉賢德、唐奕聰,有些從商,有些繼續做音樂,久不久重組開騷, 近年最大新聞是鼓手Ricky朱翰博和戴夢夢。
達明一派 - 十大中文金曲新人獎銀獎得主。劉以達曾製作《06石頭記》(輪迴版),宣佈達明一派已死, 後來又復合做紀念騷, 明哥和阿達分別都活躍。
郭小霖 - 十大中文金曲新人獎銅獎得主。07年出了新碟 (包括舊歌翻唱),還捧新人,09年3年前舊歌上叱吒榜。網上資料謂有兩個身份 : 1. Director, Red Music Corporation Limited (主要從事廣告音樂製作) 2. Managing Director, SONY/ATV Music Productions (China)
杜德偉 - 05年在台灣《脫掉》短暫翻生,被連串負面新聞打擊後又沉番。婚後以美魔男姿態復出開紅館騷.
Raidas - 陳德彰和哥哥陳迪匡02年開《現代重奏有你室樂演唱會》,現況不知;黃耀光製作佛教音樂劇 潛心研究瑜伽。
梁朝偉 - 活躍電影圈,間唔中唱下電影歌,其實唔好唱喇。08年與劉嘉玲終於在不丹結婚。
倫永亮 - Diva指定演唱會總監,活躍。
羅嘉良 - 返大陸搵真銀,07年回歸無線拍劇。08年離婚,09年再婚娶大陸女演員。
溫兆倫 - 拍劇,和郭羨妮散了後,在大陸為主。
上山安娜 - 保險經紀,改名上山詩鈉,離婚後和俞琤傳過緋聞。索女兒做了星二代新名人.
凡風 - 區新明移民加拿大,07年回港加盟新城, 後來出過碟開過騷;崔炎德先後在EMI和華納做監製,製作Shine、薛凱琪、周國賢唱片。
赤道 - 第一代成員吳潔梅、楊淑貞、郭多加、譚佩芬、劉向榮;吳潔梅曾作個人發展失敗;樂隊幾經人事變動後消失,部份成員仲有唱聖詩民歌。
Douceurs Doux - 二人女子組合,成員吳婉兒、吳莉莉,後者係84年落選港姐,兩人只推出過兩首歌12吋single,好快唔見。
陳慧麗 - 一碟被叮,成日想問,佢係咪陳慧嫻個妹?樣貌黎講同陳慧嫻係同level.. 佢首《share my broken heart》幾ok架。
Chyna - 第一代83年已組成,只唱英文歌,後來其中三位成員改組Blue Jeans;第二代成員Donald Ashley和Peter Ng,86年推出有中文歌的EP《Back 2gether》,Donald Ashley (唐龍) 人稱亞洲鼓王,曾參與大量流行歌編曲,包括關淑怡《忘記他》,曾活躍於band界, 已病故;Peter Ng不詳。
川鳴 - 顏福偉87年單飛做新人,07年好紅,但因非禮男的士司機罪成,失蹤後又重新出發;梁兆輝在港台主持同志節目,潘健康在無記音樂組工作多年,現在做推廣民歌和福音歌曲工作。

1987
劉美君 - 十大中文金曲新人獎金獎得主。移民美國多年,08年回歸紅館兼有新歌,第二次離婚後,仲做埋金馬影后。
黃凱芹 - 十大中文金曲新人獎銀獎得主。02年由加拿大回歸樂壇,但07年又回歸加拿大,多次回港開騷。
Blue Jeans - 十大中文金曲新人獎銅獎得主。蘇德華做演唱會結他手,單立文拍TVB劇,仍有幫人寫歌,07年新作是張敬軒的《悔過詩》,08年與胡蓓蔚結婚;黃良昇唔知。
Beyond - 新人獎候選八強。黃家駒身故,四變三,2005年舉行告別巡迴演唱會後解散,黃貫中、黃家強、葉世榮繼續個人發展, 一再發生拗撬後公然表示不會重組。1986年已曾自資推出盒帶《再見理想》,87年出道時有五名成員,第五名成員是劉志遠,後來和梁翹柏組成浮世繪,解散後退居幕後編曲。地下時期成員還有鄧煒謙、李榮潮、Owen Kwan及陳時安。
李克勤 - 新人獎候選八強。活躍。
林敏驄 - 新人獎候選八強。06年講波講到同人炒大鑊,08年被指老婆勾佬,終離婚, 仍活躍。
鄭敬基 - 新人獎候選八強。87年出道時是風雲樂隊成員,同年解散,以個人身份角逐新人獎。出過幾張唱片,捧過PP Gals,拍過劇,在多倫多離婚後, 全面回歸香港娛圈.
吳國敬 - 新人獎候選八強。轉過做作曲人, 現仍活躍。
甄楚倩 - 拍過三級片,做了媽媽,有人話佢把聲爛晒, 常於佛教活動誠心跪拜。
Maria Cordero - 07年以亞洲殿堂天后咁勁的朵上過紅館,幾個電視台都做過, 曾與陳冠希crossover, 現主力教平價煮餸方法。
黃敏華 - 唔知去了哪裡,亞視改革不如搵番佢啦。
張立基 - 曾被寫到好霉,現已come back, 近來都有出席活動 先幾年客串電影《重口味》好似飾演張立基。同夏蕙bb等亮相電影宣傳, 但2015年雙重打擊, 原定同奉子成婚既女友結婚, 點知喪母, 復遇上女友肚中bb流產, 將婚期押後。佢微博fb都有經常update
陳松齡 - 改名陳松伶拜劉家昌為師做雪狼湖都唔掂,返大陸拍劇。嫁給細12年的內地男星張鐸, 以大陸為基地。
黃寶欣 - 曾幫鄭敬基復出騷做嘉賓, 據聞做生意為主。
蔣志光 - 在無線做綠葉, 突翻紅, 密密接騷。
魏綺清 - 小白兔,移民加國,做DJ/間中忍唔住在function唱歌/在電視及報紙月刊寫o的真誠到痺o既專欄,之前在多倫多其中一間中文電台做DJ,但而家唔知點解無做,好似有成4個仔女,但仲有係多倫多星島寫專欄。
區耀國 - 《勁度Rock 'N' Roll》不夠勁被叮走,不知去向。
蘇珊 - Bar City執咗,去跑馬地肥媽開個間green spot,佢駐場唱架。07年見到地鐵廣告二胡慈善演唱會有佢份,在荃灣沙田大會堂唱。08年1月在大會堂音樂廳開慈善演唱會,為脊髓肌肉萎縮症慈善基金籌款。
鄭子固 - 不知。
方心美 - 一碟拜拜,唯一光榮是和達明一派同一隻碟。(唔知邊個話佢係教煮餸方太個女?)
陳山河 - 王馨平同母異父兄弟,有縮水陳百強之稱,一碟《將個心俾你》消失,06年被傳染愛滋身亡,出來澄清,並透露自己在息影女星何琍琍 (趙世光大婆) 上海開的上鼎餐廳內,擔任市場部經理。
劉天蘭 - 演藝人協會活躍份子,開形象指導公司。
龍影霞 - 民歌手,消失。
沈金鈴 - 做緊保險。
鄭浩南 - 有出過碟架,簽華納添,拍電影有代表作"強姦", 演黑社會為主。
成龍 - 成日去人地演唱會做咪霸。
杜德智 - 做健身教練。
風雲 - 第一代成員鄭敬基、陳少偉,同年解散,鄭敬基以個人身份角逐新人獎;陳少偉在第二代風雲解散後90年當過一碟歌手,現況不詳;第二代蔣志光在TVB拍劇,王利名下落不明。
Cocos - 主音May Ip葉其美曾作個人發展 (May Ip has never attempted to establish a solo career. After Cocos, she went back to her root: making the world a better place through music. She is still around. Now living in Ontario, Canada as a mother of 3 young children, she teaches guitar and occassionally performs with her husband, Gary Murphy. They go by the name Just Us. -- message from May),另外兩位成員曾偉賢、Martin Yu都唔見晒。
邊界 - 白嘉倩做過纖體代言人;黃偉年製作音樂教材,張鐵虎、廖國雄、林錦華都不知去咗邊。
友誼接觸 - 林伊笙、張國祖、鄭子固、伍傑志、馮偉基。資深樂師,多數教樂器、做錄音和接show/sessions做live band (如酒吧/演唱會等),如伍傑志。
陳曉慧 - 原本簽左華納不過唔知點解最後去左永恆,唯一派台歌叫《易燃的冷感》,好西架。
李錦華 - 無人識。
Minimal - 獨立樂隊,第一代成員亞里安、Johnnie及Timmy Lok,出版首張卡帶專集《以心電信》,90年餘下亞里安一人,出版第二張卡帶專集《Demo 2》,95年Veronica Lee加入,參與黃耀明《愈夜愈美麗》大碟,九七年兩人成為人山人海要員至今。Veronica Lee李端嫻亦稱V記、Vee Gay,04年與陳珊妮組成拜金小姐,出過兩張唱片;07年與范曉萱及其男友Allen組100%樂團推出唱片。
激情姊妹花 - 三人女子組合,一碟玩完。
鄭婉雯 - 86年落選港姐,張EP嘅主打歌叫「大家Happy」,佢仲拍過剝衫戲。

1988
草蜢 - 十大中文金曲新人獎金獎得主。05年重返樂壇後活躍。
許志安 - 十大中文金曲新人獎銀獎得主。活躍。
夢劇院 - 十大中文金曲新人獎銅獎得主。李敏嫁了給李進,07年出少年冒險小說,被指學《Harry Potter》, 不斷有做電影編劇;劉文娟嫁人後定居溫哥華。
李達成 - 十大中文金曲新人獎優異獎得主。唔知去向。
周慧敏 - 十大中文金曲新人獎優異獎得主。復出開過紅館個唱,打桌球、拍廣告為主。09年與倪震結婚。
蔡立兒 - 用回原名蔡立,成日跟住老公歐陽德勛去睇演唱會。在砵蘭街東京銀座開明星二手店,亦有教唱歌,官恩娜是入室弟子,08年演出亞視《樂壇40年》,和歐陽德勛、方伊琪開大會堂懷舊演唱會。
周美茵 - 老公係當年VO王徐憶雄(做過港台DJ),曾經移民,做過下當地既華人電台,最初 (大概10年前啦) 她是移民多倫多,仲做晒promo話同鄭敬基一齊做一個早晨電台節目,但之後唔知點解連影都無,個節目一日都無做到,然之後就好似聽見佢去0左溫哥華。做過公關,07年在港台兼職主持晚間音樂節目《恬淡情懷》。
余劍明 - 脹左好多, 07年在港台每星期一晚客串《恬淡情懷》,正職是家庭主婦,全天侯湊兩名細路 (佢响電台節目度講過)。
柏安妮 - 結婚生仔,做職業治療師。
阮兆祥 - 拍劇,07年《味分高下》咬蘋果比《溏心風暴》的舅父波反響更大。憑福祿壽一度彈起, 仲開個唱和棟篤笑圓夢.
傅振榮 - 參加當年既一本雜誌《新時代》所舉辦既歌唱比賽而入行.. 後來同混血女星童玲個家姐結左婚,不過呢個都已經係十幾年前既資料。唔係講笑,早7/8年前有人響銅鑼灣某餐廳見到佢做waiter。
方麗盈 - 仲有冇酒廊俾佢唱?07年見到地鐵廣告二胡慈善演唱會有佢份,在荃灣沙田大會堂唱。好似話其實係歌唱導師.
吳潔梅 - 脫離福音組合《赤道》做solo artist,一碟拜拜。
江欣燕 - 曾在《同事三分親》/《畢打自己人》見到佢,唱澳門賭場騷,仲扮緊阿梅。離婚後拍"M Club".
李明珠 - 出了一隻碟就消失。港大畢業入了法律界.
李珊珊 - 第一代3T,夾埋出一隻《決裂時候》;有機會出一隻大碟,然後消失。
李美欣 - 第一代3T,夾埋出一隻《決裂時候》;個人碟都未出過就消失。
黃早慧 - 第一代3T,夾埋出一隻《決裂時候》;個人碟都未出過就消失。李美欣同李姍姍兩姐妹個老竇係晌九龍華仁教music既,而黃早慧其實係黃愷欣個妹。
胡建中 - 一碟消失。
Fundamental - 除了陳光榮做幕後音樂人,和林嘉欣拍過拖;主音William楊漢源在外國做了專業dancer, 其他成員個個都冇消息。
City Beat - John Laudon劉諾生、Daryl Ching陳華添、Jerry Marshall謝友利、Jym Kay占潤發。劉諾生06年創作陳奕迅《匯通天下》,其他人冇消息。
民間傳奇 - 唔知。
瞿培英 - 無人關心。
AB Two - 成員貝聶名、馮狄榮,曇花一現。

1989
王菲 (早年叫王靖雯) - 再婚生女收工, 做兔唇兒童慈善工作, 曾復出開巡唱, 離婚後又和謝霆鋒復合, 間唔中唱一些單曲, 不斷傳會再開個唱. 佢同竇唯生的女竇靖童都出道喇.
關淑怡 - 曾退隱數年,06年開復出演唱會及出碟,間中算活躍。
王傑 - 07年返大陸出碟,繼續鬧英皇,09年約滿英皇後較少見。
蘇永康 - 於台灣被判藏毒罪成後,幾年冇碟出,到大陸拍劇為主。靠Big4紅番, 仲有首年度之歌"那誰", 再婚後更活躍。
彭家麗 - 做唱歌老師。與朱主席合唱"從不喜歡孤單一個"網上爆紅, 出返碟.
寶佩如 - 撞車毀容,06年復出演電視。
麥偉豪 - 下落不明。
陳德彰 - 曾與兄長陳迪匡開騷.
李健達 - 曾和鄭敬基組成李鄭屋村;做幕後,肥咗好多,時時去cali都會見到佢,特別係step class。近來復出.
陳思彤 - 有首《厭倦》,下落不明。
蔡齡齡 - 下嫁監製馮鏡輝後,曾做兼職DJ, 已不幸離世。
梅愛芳 - 已故。
黃翊 - 同atv前藝員陳存正結緍生仔,響大埔熟食大排檔有兩個鋪炒小菜。有人見過他和老婆在黃金海岸租車仔檔,賣自己造的閃石t-shirt。
譚耀文 - 最後一次出碟是《縱橫四海》時期,現拍戲拍劇為主,在內地比較多, 間中唱主題曲~ 隔一年左右就有隻,曾與阿嬌合唱。
浮世繪 - 解散,梁翹柏做監製,曾推出個人碟,近年在內地做"我是歌手"音樂總監, 名氣都幾勁;劉志遠到台灣幕後發展,間中監製和編曲,曾是李麗蕊男友。地下時期成員還包括麥鎮東、岑德衛、伍維安,86年曾推出兩首歌的12吋single《浮世繒Life Exhibition》(《憂傷都巿》), 麥鎮東是勁歌和巨聲監製 (?)
鄭瑞芬 - 曾主持婦女節目,嫁人後唱福音歌為主,育有一女。
林楚麒 - 以未亡人身份在黃家駒喪禮出現後,曾轉向幕後當電影的美術指導,真陰功,佢咁唱得.. 96年響台灣出過一隻碟,不過都係無人理。林楚麒母親周采茨是京劇大師周信芳的小女兒 (資料來自周信芳官方網站)。其實復出過, 不過又消失, 現於微博活躍過現實.
文佩玲 - 做過好多不同行業, 復出唱懷舊騷。
仇雲峰 - 一碟bye bye,現居於美國加州...在物流軟件公司做account manager, 07年聽聞就結婚。
林保怡 - 間歇性靠電視劇人氣出碟。
風之Group - 方樹樑做唱片監製,捧李卓庭;女主音黃渭妮係劉韻個女,結咗婚,移埋民,生咗兩個。
Echo - 解散多年,李惠敏07年改名A. Lee再戰樂壇,區帶娣嫁人後拜拜, 做闊太出席event。
水晶迷Crystal Zone - 主音弗烈係社麗沙細佬,當年《靚妹仔》女主角林碧琪拍完套戲冇耐就係嫁畀弗烈,生埋仔,大仔依家應有廿幾歲,現在有間production house,某網友的朋友認識他,話佢「個樣好年青,長頭髮,窄身皮褲,成個rock友咁樣」。打鼓的是嚴秋華,前無線藝員,專演壞鬼青年角色,亦即在《跳飛機》扮怪獸,現任速遞公司經理,07年同辛尼哥哥一齊為兒童音樂show亮相。
王虹 - 因六四民運歌《血染的風采》為人認識,出過一張達明一派監製的大碟《風采依然》後消失。
王芷玲 - 不詳。
D'Spectacles - 主音為民歌歌手龍影霞,資料不詳。
丘方倫 - 不詳。
梁安琪 - 搖擺天使,做過新城,入過民主黨,做過東區區議員。於大學讀法律,同時在《大公報》擔任時事評論員,大多踩泛民擦北京鞋,於互動電視節目擔任主持,07年競逐黃大仙區議會議席,被指大契上身,遭勁踩兼落敗。前男友是曾航生。
Juno's Infant - 獨立樂隊,早期三位成員Allen Law、Morris Wong和Timmy Lok,89至91年出版3張卡帶專集,後加入女聲Coren Cheung並改名Juno,出版CD專集《ROM》,96年改組後出版《Ver.2.0》,前AMK樂隊關勁松、有耳非文等客席歌手參與。2000年推出《00》後各自發展。
亂 - 三個ABC組成的樂隊,中英文歌都唱,成員蔡力健、何國才、呂世勇,一碟消失。

4 comments:

Unknown said...

師兄!勁!支持你!💪💪

異鄉人 said...

有一樣需要更新
鄭瑞芬的丈夫是Fundamental成員勞國超

WChan said...

她老公是太極的盛旦華!

Anonymous said...

梁安琪Angel第一任老公係當年港台DJ左永然Sam Jor, 即係音樂一週雜誌的出版人。